Aron með sjö þegar Veszprém tryggði sér farseðilinn til Kölnar

Aron Pálmarsson skoraði sjö mörk þegar Veszprém vann Montpellier, 25-30, í seinni leik liðanna í 8-liða úrslitum Meistaradeildar Evrópu.

Veszprém vann fyrri leikinn 26-23 og einvígið 56-48 samanlagt.

Veszprém verður því með í úrslitahelgi Meistaradeildarinnar í Köln ásamt Vardar, Barcelona og Paris Saint-Germain.

Lærisveinar Arons Kristjánssonar í Aalborg tryggðu sér sæti í undanúrslitum um danska meistaratitilinn með því að vinna Skjern, 32-24, á heimavelli.

Janus Daði Smárason skoraði fjögur mörk fyrir Aalborg og gaf tvær stoðsendingar. Stefán Rafn Sigurmannsson skoraði einnig fjögur mörk, öll úr vítaköstum. Arnór Atlason skoraði eitt mark.