Lögregla biður fólk að varast grýlukerti og snjóhengjur

Lögreglan beinir þeim tilmælum til fólks á höfuðborgarsvæðinu að huga að grýlukertum og snjóhengjum er lafa fram af húsþökum en af þeim getur stafað mikil hætta. Þetta kemur fram í tilkynningu frá lögreglunni á höfuðborgarsvæðinu.

Tilmælunum er ekki síst beint til verslunar- eða húseigenda á stöðum þar sem mikið er um gangandi vegfarendur. Þetta á meðal við um Laugaveg og nærliggjandi götur í miðborginni.

Mælst er til þess að fólk kanni með hús sín og grípi til viðeigandi ráðstafana áður en slys hlýst af.