Fátt getur komið í veg fyrir fimmtu seríuna af Arrested Development

Aðdáendur gamanþáttanna Arrested Development eiga von á góðu ef marka nýjustu fréttir úr Hollywood en leikarahópurinn allur mun hafa samþykkt launagjör og nú á í raun aðeins eftir að staðfesta fimmtu seríuna.

Fimmta þáttaröðin verður líklega 17 þættir en aðdáendur þáttana eru gríðarlega margir og mjög dyggir.

Fjórða sería Arrested Development var sýnd hjá Netflix árið 2013 en fyrstu þrjár þáttaraðirnar voru sýndar á sjónvarpsstöðinni Fox sem hætti sýningu þeirra árið 2006.

Þættirnir hlutu jafnan lof gagnrýnenda en voru ekki með mikið áhorf. Þeir eiga sér engu að síður tryggan aðdáendahóp sem bíður jafnan spenntur eftir nýju efni.