Michelle Obama kvaddi hjá Jimmy Fallon

Michelle Obama, sem brátt verður fyrrum forsetafrú Bandaríkjanna mætti á dögunum til spjallþáttastjórnandans Jimmy Fallon í síðasta skiptið sem forsetafrú landsins.

Þema þáttarins litaðist að sjálfsögðu af þeirri staðreynd og tók Michelle þátt í tveimur stórskemmtilegum atriðum í þættinum.

Í hinu fyrra las hún upp sérstaka þakkarmiða en þar þakkaði hún meðal annars eiginmanni sínum fyrir að vera silfurrefurinn sinn, á meðan þakkaði Fallon henni fyrir handleggi sína og danshæfileika, í atriði sem er vægast sagt drepfyndið.

Síðara atriðið sem Michelle tók þátt í gæti hins vegar fengið hvern sem er til að tárast, en í því setti Fallon upp vegg á milli sín, Michelle og ókunnugs fólks sem hann fékk til þess að koma í atriði þar sem það hélt að það væri að lesa upp myndbandskveðju til Michelle.

Það sem það vissi hins vegar ekki var að Michelle var á svæðinu til að hlusta á kveðjur þeirra. Ótrúlega hugljúft atriði sem bætir daginn.

Bæði atriðin má sjá hér að neðan.