Lokaþættinum af Sherlock lekið á netið

Nýjasta þættinum, sem er jafnframt lokaþátturinn í fjórðu og nýjustu seríunni af Sherlock, hefur verið lekið á netið. BBC greinir frá.

Þættirnir hafa verið afar vinsælir undanfarin ár og skarta bresku leikurunum Benedict Cumberbatch og Martin Freeman í hlutverki Sherlocks og John Watsons, tveggja spæjara sem leysa flókin lögreglumál. Nýjustu seríunnar hafði verið beðið með mikilli eftirvæntingu.

Um er að ræða rússneskt skjal af þættinum sem ber nafnið ,,The Final Problem“ og hefur skjalinu með þættinum verið deilt á netinu. Höfundar þáttanna hafa biðlað til fólks um að deila ekki upplýsingum úr lokaþættinum sem mun birtast á skjáum breskra landsmanna í kvöld.

Russian version of #Sherlock TFP has been illegally uploaded.Please don't share it. You've done so well keeping it spoiler free.Nearly there

— sue vertue (@suevertue) January 14, 2017