Breytti Hollywood skiltinu í skjóli nætur

Borgaryfirvöld í Los Angeles hafa greint frá því að skemmdarverk voru unnin á hinu víðfræga Hollywood skilti á nýársnótt. Að morgni nýársdags mátti lesa „Hollyweed“ af skiltinu í staðinn fyrir „Hollywood.“ CBS greinir frá.

Skemmdarverkamaðurinn klifraði upp á skiltið í skjóli nætur og hengdi tvo borða á O-in tvö með fyrrgreindum afleiðingum. Um 11 leytið að staðartíma höfðu yfirvöld svo fjarlægt borðana þannig að skiltið var komið aftur í upprunalegt horf.

Lögregluyfirvöld munu fara yfir öryggisupptökur af svæðinu til þess að hægt verði að hafa hendur í hári skemmdarverkamannsins.