Janet Jackson orðin móðir í fyrsta sinn

Söngkonan Janet Jackson hefur eignast sitt fyrsta barn, fimmtíu ára að aldri. Jackson og eiginmaður hennar, Wissam Al Mana, eignuðust drenginn Eissa Al Mana í gær. Þetta staðfestir blaðamannafulltrúi söngkonunnar.

Móður og barni heilsast vel, en orðrómur um að Jackson ætti von á barni fór á flug í apríl síðastliðnum þegar hún frestaði tónleikaferðalagi sínu.

Hún sendi í kjölfarið frá sér tilkynningu þar sem hún sagðist vona að aðdáendur hennar sýndu því skilning hvers vegna hún frestaði tónleikunum. Þá sagðist hún vilja einbeita sér að því að stofna fjölskyldu með Al Mana, en þau giftust árið 2012.