Disney gefur út lista yfir allar væntanlegar myndir næstu þrjú árin

Nú liggur fyrir hvaða kvikmyndir eru væntanlegar næstu þrjú árin frá kvikmyndarisanum Walt Disney.

Disney gerði aðdáendum sínum kunnugt um myndirnar á D23 ráðstefnunni en þeirra á meðal er Toy Story 4, sem kemur út 2018, og leikin gerð af Mulan sem sýnd verður í kvikmyndahúsum sama ár.

Cruella de Vil snýr aftur á árinu

Á árinu er von á átta kvikmyndum frá Walt Disney. Í mars á þessu ári er Fríða og dýrið væntanleg í kvikmyndahús en Emma Watson fer með hlutverk Fríðu. Guardian of the Galaxy II er svo væntanleg í maí og í júlí kemur Cars III í kvikmyndahús.

Pirates of the Caribbean: Salazar‘s Revenge er einnig væntanleg í maí.

Thor: Ragnarok mun að öllum líkindum vera sýnd í kvikmyndahúsum í nóvember en myndin er sú þriðja í röðinni um ofurhetjuna Thor.

Illkvendið Cruella de Vil úr 101 Dalmatíuhundi mun snúa aftur á hvíta tjaldið, líklegast í desember, og sögusagnir herma að leikkonan Emma Stone muni fara með titilhlutverkið.

Að endingu mun ný Star Wars kvikmynd vera sýnd í kvikmyndahúsum rétt fyrir jól.

Listi yfir allar myndir sem væntanlegar eru á árunum 2018 og 2019 má sjá hér. 

Mulan þegar valdið usla

Teiknimyndin um kínversku stríðshetjuna Mulan kom út árið 1998 og er ein af þekktustu kvikmyndum Disney. Nú stendur yfir endurgerð á kvikmyndinni í leikinni gerð.

Handriti myndarinnar var lekið í fyrra og komu þá í ljós að aðalpersóna nýju myndarinnar átti að vera hvít.

Aðdáendur tjáðu gremju sína yfir þessari ákvörðun á samfélagsmiðjum og varð það til þess að Disney gaf út yfirlýsingu þess efnis að Mulan og aðrar helstu sögupersónur kvikmyndarinnar  myndu vera kínverskar í myndinni.

Hér fyrir neðan má sjá stiklu úr Fríðu og dýrinu og örstiklu úr Cars III.