Fyrrverandi forseti Suður-Kóreu handtekinn

Park Geun-hye, fyrrverandi forseti Suður-Kóreu, var handtekin í dag í tengslum við spillingarmálið sem varð til þess að stjórnlagadómstóll landsins setti hana af fyrr í mánuðinum.

Park er sökuð um að hafa leyft náinni vinkonu sinni að kúga fé út úr fyrirtækjum í skiptum fyrir pólitíska greiða, að því er kemur fram í frétt breska ríkisútvarpsins BBC.

Handtökuskipunin var gefin út vegna ákæra um mútur, misbeitingu valds, þvinganir og leka á ríkisleyndarmálum.

Vinkona Park er sögð hafa nýtt sér tengslin við forsetann til að þvinga fyrirtæki til að greiða milljónir dollara til sjóða sem hún stjórnaði.

Park neitar allri sök.