Banaslys á Grindavíkurvegi

Banaslys varð á Grindavíkurvegi í nótt þegar bíll valt á veginum 1,7 kílómetra norðan við mót Norðurljósavegar, skammt frá afleggjaranum í Bláa lónið.

Lögreglunni á Suðurnesjum barst tilkynning kl. 01:58 í nótt um umferðarslys. Vegfarendur komu þar að bifreið utanvegar sem ekið hafði verið áleiðis að Grindavík.

Svo virðist sem ökumaður hafi misst stjórn á henni með þeim afleiðingum að hún valt og hafnaði utanvegar. Ökumaður var einn í bifreiðinni og reyndist látinn.