Gæsluflugvél í Miðjarðarhafið

TF-SIF, flugvél Landhelgisgæslunnar, var flogið til Grikklands um liðna helgi vegna óvæntra verkefna á vegum Frontex, Landamæragæslu Evrópusambandsins.

„Til að byrja með verður flugvélin í Miðjarðarhafsverkefnum til 20. febrúar en til skoðunar er að þau verði framlengd þar til í lok mars. Þá kemur til greina að vélin sinni aftur verkefnum á svæðinu fyrir Frontex með haustinu,“ segir í tilkynningu frá Landhelgisgæslunni, sem kveðst hafa sent flugvélina utan í ljósi fjárhagsstöðu sinnar. „Beðið verður með frekari aðhaldsaðgerðir í rekstri stofnunarinnar uns endanleg niðurstaða um erlend verkefni á árinu liggur fyrir.“ 

Fréttin birtist fyrst í Fréttablaðinu.