Umfjöllun og viðtöl: Stjarnan - Fram 29-23 | Florentina skellti í lás undir lokin Ingvi Þór Sæmundsson skrifar 2. mars 2016 21:30 Sólveig Lára Kjærnested, fyrirliði Stjörnunnar. Vísir/Vilhelm Stjarnan bar sigurorð af Fram, 29-23, í 21. umferð Olís-deildar kvenna í handbolta í kvöld. Þetta var fyrsti leikur Stjörnunnar eftir að liðið tryggði sér bikarmeistaratitilinn með sigri á Gróttu, 20-16, á laugardaginn. Stjörnukonur voru ekki upp á sitt besta lengi framan en liðið tryggði sér stigin tvö með frábærum endaspretti. Eftir að Ragnheiður Júlíusdóttir minnkaði muninn í 23-22 skellti Florentina Stanciu í lás í Stjörnumarkinu og átti hvað stærstan þátt í því að Garðbæingar unnu síðustu 13 mínúturnar 6-1 og leikinn með sex mörkum, 29-23. Florentina varði alls 22 skot (49%) í kvöld en mikill munur var á markvörslu liðanna, sérstaklega á lokakaflanum. Hanna G. Stefánsdóttir var markahæst í liði Stjörnunnar með sjö mörk en Helena Rut Örvarsdóttir kom næst með sex. Þá átti Stefanía Theodórsdóttir afbragðs leik í vinstra horninu og skoraði fimm mörk úr jafn mörgum skotum. Ragnheiður var markahæst í liði Fram með átta mörk en Steinunn Björnsdóttir skoraði fimm. Fyrri hálfleikur var afar jafn þar sem aldrei munaði meira en tveimur mörkum á liðunum. Hvorugt þeirra sýndi þó sínar bestu hliðar. Gestirnir úr Safamýrinni voru með frumkvæðið framan af og komust í 2-4 og 4-6. Ragnheiður byrjaði leikinn af miklum krafti, skoraði þrjú af sex fyrstu mörkum Fram og átti auk þess línusendingu á Steinunni sem skilaði marki. En smám saman rann bikarþynnkan af Stjörnuliðinu sem komst betur inn í leikinn og eftir þrjú mörk í röð frá Hönnu G. Stefánsdóttur komust Garðbæingar yfir, 7-6. Liðin héldust í hendur út fyrri hálfleikinn og þegar þau gengu til búningsherbergja var staðan 12-13, Fram í vil. Framkonur gátu ágætlega við þá stöðu unað í ljósi þess að Florentina varði helming þeirra skota sem hún fékk á sig í fyrri hálfleik. Fram byrjaði seinni hálfleikinn betur og komst tvívegis tveimur mörkum yfir. En í stöðunni 14-16 skoraði Stjarnan þrjú mörk í röð og náði forystunni, 17-16. Jafnræði var með liðunum næstu mínútur en Stjarnan var þó ívið sterkari aðilinn. Fram var þó aldrei langt undan þökk sé framlagi Ragnheiðar og Steinunnar í sókninni en þær skoruðu sjö af tíu mörkum gestanna í seinni hálfleik. En undir lokin klikkaði sóknarleikur Fram illilega. Liðið tapaði boltanum trekk í trekk og var lengi að hlaupa til baka. Og það sem verra var, þá fór Florentina að verja í marki Stjörnunnar. Hún varði fimm af síðustu sex skotum sem hún fékk á sig en Fram skoraði einungis eitt mark á síðustu 13 mínútum leiksins. Vörn Stjörnunnar styrkist einnig eftir því sem leið á leikinn, ekki síst eftir innkomu Rakelar Daggar Bragadóttur. Stjarnan breytti stöðunni úr 23-22 í 28-22 og vann að lokum sex marka sigur, 29-23.Halldór Harri: Var dauðhræddur fyrir leikinn Halldór Harri Kristjánsson, þjálfari Stjörnunnar, viðurkenndi að hafa verið smeykur fyrir leikinn gegn Fram í kvöld, sem var sá fyrsti eftir að Garðbæingar tryggðu sér bikarmeistaratitilinn. "Ég var dauðhræddur, ef ég á að vera alveg hreinskilinn," sagði Halldór Harri eftir sigurinn á Fram. "Ég var hræddur við hvernig við myndum mæta í þennan leik. Mér fannst æfingin í gær léleg og ég var smá smeykur við þetta. "Þreytan gerði vart við sig en við náðum að loka þessu í lokin og fá nokkur hraðaupphlaup." Halldór Harri var ánægður með varnarleik Stjörnunnar á lokakaflanum en liðið fékk aðeins eitt mark á sig á síðustu 13 mínútum leiksins. "Undir lokin náðum við að loka á Ragnheiði (Júlíusdóttur) og færðum okkur vel í vörninni. Við vildum þetta í lokin," sagði þjálfarinn sem segir að innkoma Rakelar Daggar Bragadóttur hjálpi Stjörnuliðinu mikið. "Hún kemur inn með öryggi og talanda og er góður leikmaður, jafnt innan vallar sem utan. Hún hjálpaði okkur að loka þessu í kvöld," sagði Halldór Harri að lokum.Steinunn: Misstum höfuðið niður í bringu Steinunn Björnsdóttir, leikmaður Fram, átti engar skýringar á skelfilegum lokakafla liðsins gegn Stjörnunni í kvöld. Leikurinn var jafn lengst af en á síðustu 13 mínútunum breytti Stjarnan stöðunni úr 23-22 í 29-23. "Við misstum hausinn, ég skil ekki af hverju," sagði Steinunn eftir leik. "Við köstuðum boltanum frá okkur nokkrum sinnum í röð, keyrum ekki til baka og missum höfuðið niður í bringu. Það ætluðist allir til þess að næsti maður myndi gera eitthvað og það tók enginn ábyrgð." Steinunn kvaðst þó nokkuð sátt með spilamennsku Fram framan af leik. "Mér fannst við alveg með þetta í fyrri hálfleik. Mér leið vel, bæði í vörn og sókn, og það kom ekkert á óvart hjá Stjörnunni," sagði Steinunni og bætti við: "En í seinni hálfleiknum skutum við ekki jafn vel og Flora (Florentina Stanciu) fór að verja. Við urðum hræddar, köstuðum boltanum frá okkur og hættum að sækja á markið." Steinunn spilaði sem línumaður í dag eins og hún hefur gert síðan Elísabet Gunnarsdóttir þurfti að draga sig í hlé vegna tilvonandi barneigna. Steinunn er nokkuð ánægð hvernig til hefur tekist en hún segist aldrei hafa spilað á línunni áður. "Það hefur gengið allt í lagi en ég er engin Lísa. Vonandi verður þetta betra með hverjum leiknum og ég fæ meira sjálfstraust sem línumaður," sagði Steinunn að endingu. Olís-deild kvenna Mest lesið Var spáð falli en eru á leið í Meistaradeildina Fótbolti „Eins og að spila við landslið Þýskalands nasismans“ Sport Verstappen á ráspól og jafnaði 35 ára gamalt met Formúla 1 Lowry hástökkvari dagsins og blandar sér í baráttuna Golf Ótrúlegir yfirburðir tryggðu tíunda bikarmeistaratitilinn Fótbolti Klökkur Jóhann Berg beygði af í viðtali Enski boltinn Stutt gaman hjá Birki er Brescia missti af sæti í efstu deild Fótbolti Uppgjörið,viðtöl og myndir: Valur - Olympiacos 30-26 | Einum leik frá Evróputitli Handbolti Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf AC Milan hleypti Torino inn í Evrópubaráttu Fótbolti Fleiri fréttir Uppgjörið,viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM Sjá meira
Stjarnan bar sigurorð af Fram, 29-23, í 21. umferð Olís-deildar kvenna í handbolta í kvöld. Þetta var fyrsti leikur Stjörnunnar eftir að liðið tryggði sér bikarmeistaratitilinn með sigri á Gróttu, 20-16, á laugardaginn. Stjörnukonur voru ekki upp á sitt besta lengi framan en liðið tryggði sér stigin tvö með frábærum endaspretti. Eftir að Ragnheiður Júlíusdóttir minnkaði muninn í 23-22 skellti Florentina Stanciu í lás í Stjörnumarkinu og átti hvað stærstan þátt í því að Garðbæingar unnu síðustu 13 mínúturnar 6-1 og leikinn með sex mörkum, 29-23. Florentina varði alls 22 skot (49%) í kvöld en mikill munur var á markvörslu liðanna, sérstaklega á lokakaflanum. Hanna G. Stefánsdóttir var markahæst í liði Stjörnunnar með sjö mörk en Helena Rut Örvarsdóttir kom næst með sex. Þá átti Stefanía Theodórsdóttir afbragðs leik í vinstra horninu og skoraði fimm mörk úr jafn mörgum skotum. Ragnheiður var markahæst í liði Fram með átta mörk en Steinunn Björnsdóttir skoraði fimm. Fyrri hálfleikur var afar jafn þar sem aldrei munaði meira en tveimur mörkum á liðunum. Hvorugt þeirra sýndi þó sínar bestu hliðar. Gestirnir úr Safamýrinni voru með frumkvæðið framan af og komust í 2-4 og 4-6. Ragnheiður byrjaði leikinn af miklum krafti, skoraði þrjú af sex fyrstu mörkum Fram og átti auk þess línusendingu á Steinunni sem skilaði marki. En smám saman rann bikarþynnkan af Stjörnuliðinu sem komst betur inn í leikinn og eftir þrjú mörk í röð frá Hönnu G. Stefánsdóttur komust Garðbæingar yfir, 7-6. Liðin héldust í hendur út fyrri hálfleikinn og þegar þau gengu til búningsherbergja var staðan 12-13, Fram í vil. Framkonur gátu ágætlega við þá stöðu unað í ljósi þess að Florentina varði helming þeirra skota sem hún fékk á sig í fyrri hálfleik. Fram byrjaði seinni hálfleikinn betur og komst tvívegis tveimur mörkum yfir. En í stöðunni 14-16 skoraði Stjarnan þrjú mörk í röð og náði forystunni, 17-16. Jafnræði var með liðunum næstu mínútur en Stjarnan var þó ívið sterkari aðilinn. Fram var þó aldrei langt undan þökk sé framlagi Ragnheiðar og Steinunnar í sókninni en þær skoruðu sjö af tíu mörkum gestanna í seinni hálfleik. En undir lokin klikkaði sóknarleikur Fram illilega. Liðið tapaði boltanum trekk í trekk og var lengi að hlaupa til baka. Og það sem verra var, þá fór Florentina að verja í marki Stjörnunnar. Hún varði fimm af síðustu sex skotum sem hún fékk á sig en Fram skoraði einungis eitt mark á síðustu 13 mínútum leiksins. Vörn Stjörnunnar styrkist einnig eftir því sem leið á leikinn, ekki síst eftir innkomu Rakelar Daggar Bragadóttur. Stjarnan breytti stöðunni úr 23-22 í 28-22 og vann að lokum sex marka sigur, 29-23.Halldór Harri: Var dauðhræddur fyrir leikinn Halldór Harri Kristjánsson, þjálfari Stjörnunnar, viðurkenndi að hafa verið smeykur fyrir leikinn gegn Fram í kvöld, sem var sá fyrsti eftir að Garðbæingar tryggðu sér bikarmeistaratitilinn. "Ég var dauðhræddur, ef ég á að vera alveg hreinskilinn," sagði Halldór Harri eftir sigurinn á Fram. "Ég var hræddur við hvernig við myndum mæta í þennan leik. Mér fannst æfingin í gær léleg og ég var smá smeykur við þetta. "Þreytan gerði vart við sig en við náðum að loka þessu í lokin og fá nokkur hraðaupphlaup." Halldór Harri var ánægður með varnarleik Stjörnunnar á lokakaflanum en liðið fékk aðeins eitt mark á sig á síðustu 13 mínútum leiksins. "Undir lokin náðum við að loka á Ragnheiði (Júlíusdóttur) og færðum okkur vel í vörninni. Við vildum þetta í lokin," sagði þjálfarinn sem segir að innkoma Rakelar Daggar Bragadóttur hjálpi Stjörnuliðinu mikið. "Hún kemur inn með öryggi og talanda og er góður leikmaður, jafnt innan vallar sem utan. Hún hjálpaði okkur að loka þessu í kvöld," sagði Halldór Harri að lokum.Steinunn: Misstum höfuðið niður í bringu Steinunn Björnsdóttir, leikmaður Fram, átti engar skýringar á skelfilegum lokakafla liðsins gegn Stjörnunni í kvöld. Leikurinn var jafn lengst af en á síðustu 13 mínútunum breytti Stjarnan stöðunni úr 23-22 í 29-23. "Við misstum hausinn, ég skil ekki af hverju," sagði Steinunn eftir leik. "Við köstuðum boltanum frá okkur nokkrum sinnum í röð, keyrum ekki til baka og missum höfuðið niður í bringu. Það ætluðist allir til þess að næsti maður myndi gera eitthvað og það tók enginn ábyrgð." Steinunn kvaðst þó nokkuð sátt með spilamennsku Fram framan af leik. "Mér fannst við alveg með þetta í fyrri hálfleik. Mér leið vel, bæði í vörn og sókn, og það kom ekkert á óvart hjá Stjörnunni," sagði Steinunni og bætti við: "En í seinni hálfleiknum skutum við ekki jafn vel og Flora (Florentina Stanciu) fór að verja. Við urðum hræddar, köstuðum boltanum frá okkur og hættum að sækja á markið." Steinunn spilaði sem línumaður í dag eins og hún hefur gert síðan Elísabet Gunnarsdóttir þurfti að draga sig í hlé vegna tilvonandi barneigna. Steinunn er nokkuð ánægð hvernig til hefur tekist en hún segist aldrei hafa spilað á línunni áður. "Það hefur gengið allt í lagi en ég er engin Lísa. Vonandi verður þetta betra með hverjum leiknum og ég fæ meira sjálfstraust sem línumaður," sagði Steinunn að endingu.
Olís-deild kvenna Mest lesið Var spáð falli en eru á leið í Meistaradeildina Fótbolti „Eins og að spila við landslið Þýskalands nasismans“ Sport Verstappen á ráspól og jafnaði 35 ára gamalt met Formúla 1 Lowry hástökkvari dagsins og blandar sér í baráttuna Golf Ótrúlegir yfirburðir tryggðu tíunda bikarmeistaratitilinn Fótbolti Klökkur Jóhann Berg beygði af í viðtali Enski boltinn Stutt gaman hjá Birki er Brescia missti af sæti í efstu deild Fótbolti Uppgjörið,viðtöl og myndir: Valur - Olympiacos 30-26 | Einum leik frá Evróputitli Handbolti Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf AC Milan hleypti Torino inn í Evrópubaráttu Fótbolti Fleiri fréttir Uppgjörið,viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM Sjá meira