Aldasöngur og önnur stórvirki Jóns Nordals Gunnþóra Gunnarsdóttir skrifar 30. apríl 2016 10:45 Siguður ásamt þremur nemendum í tónlistardeild Listaháskólans. Vísir/Anton Brink Á áttunda tug nemenda og kennara í Tónlistardeild Listaháskóla Íslands heiðra Jón Nordal 90 ára í Hallgrímskirkju í dag með metnaðarfullri dagskrá sem Listvinafélag kirkjunnar stendur að ásamt deildinni. „Við erum búin að stefna að þessum hátíðartónleikum frá haustinu þó aðalkraftur í undirbúningnum hafi verið nú á síðustu vikum. Sumir hafa flutt verkin áður við mismunandi tækifæri, aðrir eru að þreyta frumraun,“ segir Sigurður Helgason, kennari við tónlistardeildina og stjórnandi kórs hennar. Sá kór flytur annað af stærstu verkum tónleikanna í dag, Aldasöng. Það var frumflutt á Sumartónleikum í Skálholti fyrir þrjátíu árum, að sögn Sigurðar. Jón hefur á sinni níutíu ára löngu ævi samið mörg sívinsæl lög, má þar nefna Hvert örstutt spor og Smávinir fagrir.„Jón Nordal var fyrsta tónskáld Sumartónleika í Skálholti, það var árið 1986 þegar hann var sextugur að aldri. Langflestir úr kórnum okkar taka þátt í sumartónleikunum í ár og flytja meðal annars Aldasönginn 2. eða 3. júlí. Söngurinn í dag er áfangi á þeirri leið.“ Sigurður segir Aldasönginn verk í átta köflum. „Þar eru tvinnuð saman síðmiðalda- og endurreisnarljóð og Maríuvísur eftir Jón Helgason prófessor. Textinn gengur út á eftirsjá eftir kaþólska tímanum og byggist meðal annars á kveðskap tveggja skálda á 16. og 17. öld sem fjallar um menningarlega og trúarlega hnignun. Það voru ekki allir sáttir við breytingarnar.“ Hitt stóra tónverkið sem hljóma mun í Hallgrímskirkju í dag er Gríma-Epitiafion. Það verður í flutningi Sinfóníettu Listaháskólans sem Guðni Franzson stjórnar. Kammerkór er einnig í Tónlistardeild skólans, hann flytur verkið Lux mundi á tónleikunum. „Kammerkórinn er stofnaður af Steinari Loga Helgasyni, nemanda sem er að útskrifast hjá okkur í kirkjutónlist, hann setti kórinn saman til að syngja í lokaverkefni sínu við skólann og stjórnar honum, “ lýsir Sigurður. Steinar Logi leikur líka Toccötu fyrir orgel. Auk þess verða flutt kammerverkin Andað á sofinn streng, Ristur og Sónata fyrir fiðlu og píanó. Tónleikarnir nefnast Nordal í 90 ár og eru fjórðu sameiginlegu tónleikar Listvinafélags Hallgrímskirkju og Tónlistardeildar Listaháskólans. Að sögn Sigurðar hefur það samstarf gefist einkar vel. Tónleikarnir hefjast klukkan 14 í dag og aðgangur er ókeypis. Menning Mest lesið Af vængjum fram: Ýmist skömmuð fyrir geiflurnar eða fyrir að vera fýluleg Lífið Ekkert mjálm í Unu Torfa og Sinfó Gagnrýni „Ísbirnirnir voru rétt hjá okkur“ Lífið Ásdís Rán og frítt húðflúr hjá Prettyboitjokkó Lífið Litfögur listamannaíbúð við Melhaga Lífið Sást með hringinn en eiginkonan enn víðsfjarri Lífið Er hægt að „lækna“ lélegt kynlíf? Lífið Forsetaáskorunin: Hljóp í skarðið á Stuðmannaballi en í basli með textann Lífið Egill mætti með barnabörnin á forsýningu Snertingar Bíó og sjónvarp Glæsihús Gerðar í Blush aftur á sölu Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Á áttunda tug nemenda og kennara í Tónlistardeild Listaháskóla Íslands heiðra Jón Nordal 90 ára í Hallgrímskirkju í dag með metnaðarfullri dagskrá sem Listvinafélag kirkjunnar stendur að ásamt deildinni. „Við erum búin að stefna að þessum hátíðartónleikum frá haustinu þó aðalkraftur í undirbúningnum hafi verið nú á síðustu vikum. Sumir hafa flutt verkin áður við mismunandi tækifæri, aðrir eru að þreyta frumraun,“ segir Sigurður Helgason, kennari við tónlistardeildina og stjórnandi kórs hennar. Sá kór flytur annað af stærstu verkum tónleikanna í dag, Aldasöng. Það var frumflutt á Sumartónleikum í Skálholti fyrir þrjátíu árum, að sögn Sigurðar. Jón hefur á sinni níutíu ára löngu ævi samið mörg sívinsæl lög, má þar nefna Hvert örstutt spor og Smávinir fagrir.„Jón Nordal var fyrsta tónskáld Sumartónleika í Skálholti, það var árið 1986 þegar hann var sextugur að aldri. Langflestir úr kórnum okkar taka þátt í sumartónleikunum í ár og flytja meðal annars Aldasönginn 2. eða 3. júlí. Söngurinn í dag er áfangi á þeirri leið.“ Sigurður segir Aldasönginn verk í átta köflum. „Þar eru tvinnuð saman síðmiðalda- og endurreisnarljóð og Maríuvísur eftir Jón Helgason prófessor. Textinn gengur út á eftirsjá eftir kaþólska tímanum og byggist meðal annars á kveðskap tveggja skálda á 16. og 17. öld sem fjallar um menningarlega og trúarlega hnignun. Það voru ekki allir sáttir við breytingarnar.“ Hitt stóra tónverkið sem hljóma mun í Hallgrímskirkju í dag er Gríma-Epitiafion. Það verður í flutningi Sinfóníettu Listaháskólans sem Guðni Franzson stjórnar. Kammerkór er einnig í Tónlistardeild skólans, hann flytur verkið Lux mundi á tónleikunum. „Kammerkórinn er stofnaður af Steinari Loga Helgasyni, nemanda sem er að útskrifast hjá okkur í kirkjutónlist, hann setti kórinn saman til að syngja í lokaverkefni sínu við skólann og stjórnar honum, “ lýsir Sigurður. Steinar Logi leikur líka Toccötu fyrir orgel. Auk þess verða flutt kammerverkin Andað á sofinn streng, Ristur og Sónata fyrir fiðlu og píanó. Tónleikarnir nefnast Nordal í 90 ár og eru fjórðu sameiginlegu tónleikar Listvinafélags Hallgrímskirkju og Tónlistardeildar Listaháskólans. Að sögn Sigurðar hefur það samstarf gefist einkar vel. Tónleikarnir hefjast klukkan 14 í dag og aðgangur er ókeypis.
Menning Mest lesið Af vængjum fram: Ýmist skömmuð fyrir geiflurnar eða fyrir að vera fýluleg Lífið Ekkert mjálm í Unu Torfa og Sinfó Gagnrýni „Ísbirnirnir voru rétt hjá okkur“ Lífið Ásdís Rán og frítt húðflúr hjá Prettyboitjokkó Lífið Litfögur listamannaíbúð við Melhaga Lífið Sást með hringinn en eiginkonan enn víðsfjarri Lífið Er hægt að „lækna“ lélegt kynlíf? Lífið Forsetaáskorunin: Hljóp í skarðið á Stuðmannaballi en í basli með textann Lífið Egill mætti með barnabörnin á forsýningu Snertingar Bíó og sjónvarp Glæsihús Gerðar í Blush aftur á sölu Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira