Brotist inn til Nainggolan

Ítalska lögreglan greinir frá því að brotist hafi verið inn til miðjumannsins Radja Nainggolan í gærkvöldi en hann leikur með Roma.

Þjófarnir komust í burtu með 15 úr og rúmlega fjórar milljónir íslenskra króna í reiðufé.

Samkvæmt fréttastofu Sky Sports mun eiginkona hans ekki hafa kveikt á þjófarvarnarkerfinu áður en hún yfirgaf heimilið í gærkvöldi.

Þjófarnir eru sagðir hafa klifrað yfir vegg og náð að þvinga upp útidyrahurðina. Mikið hefur verið fjallað um Nainggolan  í fjölmiðlum en hann er orðaður við Chelsea og gæti farið til liðsins í sumar.