Steindi brókaði Rikka, fór í koddaslag við Helga í Góu og breytti sér í konu fyrir afganginn

Steinþór Hróar Steinþórsson fékk það verkefni að „eyða“ einni milljón á Snapchat-reikningi FM95BLÖ í gær, rétt eins og félagi hans Egill Einarsson gerði daginn áður.

Um er að ræða keppni á vegum smáforritsins Kass en Egill, Steindi Jr. og Auðunn Blöndal fá einn dag á mann. Sá sem gerir skemmtilegustu söguna á Snapchat vinnur 100.000 sem fara til góðgerðamála.

Steindi fór hreinlega á kostum í gær en hann keypti hlut í Góu, fór í koddaslag við Helga í Góu, brókaði útvarpsmanninn Rikka G og dressaði sig upp eins og Kanye West. Fyrir afganginn breytti hann sér í konu.

Kass dregur einn heppinn vinningshafa út fyrir 20. desember og sá vinnur í raun og veru eina milljón.

Hér að neðan má sjá söguna sem birtist á Snapchat-reikningi FM95BLÖ (fm95blo).