Leitinni að ljúka og líka hjá sonum Sigrúnar

Stefán Árni Pálsson skrifar 9. desember 2016 16:15

„Það verður sérstakur lokaþáttur þar sem við hittum stelpurnar allar aftur, rifjum upp hápunktana úr þáttunum og sýnum reyndar líka nokkur fyndin brot sem enduðu á klippigólfinu,“ segir Sigrún Ósk Kristjánsdóttir um áttunda og síðasta þáttinn af Leitinni að upprunanum sem fer í loftið á sunnudag.

Þættirnir hafa vakið mikla eftirtekt og hafa tryggt sér dyggan áhorfendahóp en Sigrún segir að ekki liggi fyrir hvort gerð verði önnur þáttaröð.

„Það verður bara að fá að koma í ljós. Þetta er búið að vera mjög gefandi verkefni en að sama skapi óhemju mikil vinna í mjög langan tíma. Ég held til dæmis að synir mínir hafi leitað logandi ljósi að mömmu sinni allt þetta ár,“ segir Sigrún og hlær.

Meðfylgjandi er brot úr lokaþættinum sem verður sýndur á Stöð 2 á sunnudag, eins og áður segir.

Tengdar fréttir

Kolbrún Sara gerir upp upprunaleitina: „Ég er moldrík kona í dag“

Kolbrún Sara hefur farið í gegnum mikinn tilfinningarússíbana undanfarnar vikur.

23. nóvember 2016 11:15

Fengu skýr fyrirmæli um að reyna aldrei að hafa uppi á móðurinni

"Ég vona bara af öllu hjarta að við finnum hana,“ sagði Rósíka Gestsdóttir í þættinum Leitin að upprunanum sem var sýndur á Stöð 2 á sunnudagskvöld, en Rósíka var ættleidd frá Sri Lanka árið 1986 og freistar þess nú að leita að líffræðilegri móður sinni.

29. nóvember 2016 13:15

Leitin að upprunanum: Hitti systur sínar og föður í fyrsta skipti

"Augnablikið sem ég er búin að bíða eftir í meira en 30 ár var bara áðan og er allt í einu búið,“ sagði Kolbrún Sara Larsen í fjórða þætti af Leitinni að upprunanum á Stöð 2 í gær en í þættinum hitti hún fjórar eldri systur sínar og föður í fyrsta skipti síðan hún var ættleidd frá Tyrklandi til Íslands tveggja ára gömul.

14. nóvember 2016 13:47

Alltaf upplifað sig öðruvísi og hélt að hún myndi smellpassa inn á Sri Lanka

"Viðbrögðin voru ótrúleg og það hafa allir verið rosalega einlægir og meyrir.“

25. október 2016 12:30

Tilfinningarnar báru Brynju ofurliði á Sri Lanka: „Mig langar að heyra hana segja nafnið mitt“

"Ég hef kannski ekki áhyggjur af neinu en ég veit samt ekki alveg hvar ég á að staðsetja þau,“ segir Brynja M. Dan Gunnarsdóttir sem var ættleidd frá Sri Lanka fyrir þrjátíu árum.

24. október 2016 13:00

Fannst draumi líkast að hitta móður sína: Grétu báðar og féllust í faðma

„Dagurinn var strembinn og tilfinningalega átakanlegur en samt draumi líkastur og þetta fór allt miklu betur en ég þorði að vona,” sagði Rósíka Gestsdóttir sem fann líffræðilega móður sína í Sri Lanka

5. desember 2016 15:00

Kolbrún Sara missir sjálf af lokaþættinum: „Vona svo sannarlega að þið njótið og dæmið ekki“

"Ekki það að ég þurfi að minna á en langaði bara að láta ykkur vita að síðasti þátturinn af ferðalagi mínu í leitinni minni að upprunanum er í kvöld. Sjálf er ég að vinna og þar af leiðandi fæ ég ekki að horfa á sama tíma og þið,“ segir Kolbrún Sara Larsen í stöðufærslu á Facebook.

20. nóvember 2016 16:30