Guðni ferðast um Austurland í dag

Forsetaframbjóðendurnir níu munu á næstu dögum sjá um Snapchat-reikning kvöldfrétta Stöðvar 2. Þar munu þeir leyfa áhorfendum að skyggnast á bakvið tjöldin í baráttunni um Bessastaði og til að fylgjast með ævintýrum þeirra þarf einungis að bæta við reikningnum stod2frettir á Snapchat.

Sá sem fer með tögl og hagldir í dag er Guðni Th. Jóhannesson sem hefur mælst með langmest fylgi í síðustu könnunum. Hann er nú staddur á Austurlandi og mun snappa þaðan eins og hann hefur tök á.

Sjá einnig: Fylgstu með degi í lífi forsetaframbjóðendanna á Snapchat

Fleiri forsetaframbjóðendur munu fylgja í kjölfar Guðna og geta áhugasamir fylgst með ævintýrum þeirra með því að bæta við Snapchat-reikningnum stod2frettir eins og fyrr segir.