Upp­á­tækja­samar hýenur stálu falinni mynda­vél frá Planet Earth genginu

Búið er að sýna nokkra þætti af hinum stórfenglu náttúrulífsþáttum BBC, Planet Earth 2. Framleiðendur þáttanna birta reglulega vel valin myndskeið sem sýna hvernig lífið bak við tjöldin við gerð þáttanna er.

Í nýjasta myndskeiðinu af því tagi má sjá tvo hýenuhvolpa uppgötva faldna myndavél sem notuð var til að komast nærri hýenunum. Þeir voru ansi forvitnir um myndavélina og enduðu á því að stela henni. Í myndskeiðinu kemur fram að myndavélin hafi ekki fundist á nýjan leik.

Þættirnir voru teknir upp á fjögurra ára tímabili í 64 löndum og þykja mikið stórvirki.