Kanye West segist skulda milljarða

Kanye West er einn þekktasti tónlistarmaðurinn í heiminum og hefur hann sett sinn svip á rappsenuna undanfarinn áratug og rúmlega það.

Hann er mjög vinsæll og maður hefði kannski haldið að West væri vellauðugur. Svo virðist ekki vera ef marka má tíst sem hann sendi frá sér um helgina.

Þá segist hann skulda 53 milljónir Bandaríkjadollara eða því sem samsvarar tæplega sjö milljarður íslenskra króna.

 

I write this to you my brothers while still 53 million dollars in personal debt... Please pray we overcome... This is my true heart...

— KANYE WEST (@kanyewest) February 14, 2016

Hann hefur lagt mikið í sölurnar í tískuheiminum og reynt að koma fatalínunni Yeezy á markað með trompi. Svo virðist eins og það hafi eitthvað misheppnast.