Stórleikur ársins: Allt sem þú þarft að vita um El Clasico Eiríkur Stefán Ásgeirsson skrifar 2. desember 2016 16:19 Samsett mynd/Vísir/Getty Þó svo að desember sé rétt svo nýhafinn er ljóst að viðureign Barcelona og Real Madrid á morgun gæti haft heilmikið að segja um titilbaráttuna á Spáni. Um sögufræga viðureign er að ræða á milli tveggja langstærstu liða Spánar sem hafa nánast einokað spænska meistaratitilinn frá upphafi. Til þess að undirstrika má nefna að annað þessara liða hafa orðið meistarar á Spáni í 56 skipti en öll önnur lið í samtals 29 skipti. Þessi skipting er enn skýrari en undanfarin 32 ár hafa önnur lið náð að skáka þeim í aðeins fimm skipti. Barcelona hefur haft yfirhöndina síðustu ár en síðan 2008 hefur liðið orðið sex sinnum meistari - Real Madrid aðeins einu sinni. En nú virðist sem svo að Madrídingar hafi yfirhöndina, ekki síst eftir ráðningu Zinedine Zidane í stöðu knattspyrnustjóra.Vísir/GettyZidane-áhrifin greinileg Real Madrid var í tómu basli um þetta leyti á síðasta ári. Rafa Benitez var á sínu fyrsta ári sem stjóri liðsins og hann entist ekki lengi í starfi. Benitez var rekinn í upphafi janúar en þá voru Madrídingar í þriðja sæti deildarinnar, fimm stigum á eftir Barcelona. Eftir að Zidane tók við hefur liðið verið besta knattspyrnulið Spánar. Það er svo einfalt. Liðið hefur aðeins tapað einum deildarleik (gegn Atletico Madrid á heimavelli þann 27. febrúar) af alls 33. Sjá einnig: Zidane: Með samanklipna rassa í El Clasico Í þessum 33 deildarleikjum hefur Zidane fengið samtals 86 stig. Barcelona hefur á sama tímabili fengið 76 stig. Það er ekki slæmur árangur en munurinn á milli liðanna er talsverður. Það má heldur ekki gleyma því að Real Madrid varð Evrópumeistari í vor, undir stjórn Zinedine Zidane, eftir sigur á grannliðinu Atletico Madrid í úrslitaleik.Andres Iniesta.Vísir/GettyEndurkoma Iniesta Hvorugt lið hefur tapað síðustu sex leikjum sínum í spænsku deildinni en Börsungar hafa gefið eftir með því að gera jafntefli í báðum leikjum sínum eftir landsleikjahléið - gegn Malaga og Real Sociedad. Náði Barcelona að skora aðeins eitt mark í þeim leikjum. Mögulega hefur það haft áhrif að miðjumaðurinn Andrés Iniesta hefur verið frá vegna meiðsla síðustu sex vikurnar en hann ætti að verða klár í slaginn fyrir leikinn á morgun. Barcelona var með eins stigs forystu á Real þegar Iniesta meiddist þann 22. október síðastliðinn. Sjá einnig: Gleðifréttir fyrir Barcelona-liðið Sóknarþríeykið - Lionel Messi, Luis Suarez og Neymar hafa allir verið með í síðustu leikjum og eru klárir í slaginn. Svar Real Madrid við MSN er BBC - Benzema, Bale og Ronaldo. En Gareth Bale er alvarlega meiddur og nýjustu fréttir herma að hann verði mögulega ekki aftur með fyrr en í apríl á næsta ári. Bale er að glíma við alvarleg meiðsli á ökkla. Sjá einnig: Gareth Bale leggst á skurðarborðið á þriðjudaginn Real verður einnig mögulega án Toni Kroos, Þjóðverjans öfluga, sem hefur misst af síðustu fjórum leikjum Real Madrid. Hann æfði þó með liðinu í dag og gæti því komið við sögu á morgun.BBC verður án Gareth Bale.vísir/gettyToppsætið skiptir engu „Það verður mikil pressa á okkur og það vitum við allir,“ sagði sóknarmaðurinn Karim Benzema hjá Real Madrid. „Það skiptir okkur því engu máli þó svo að við séum á toppi deildarinnar fyrir leikinn.“ „Þetta er leikurinn sem allir horfa á. Heimurinn stöðvast þegar Real Madrid og Barcelona spila og allir eru að tala um þennan leik,“ bætti hann við. Orð að sönnu. Þetta er 173. sinn sem El Clasico fer fram. Real hefur unnið leik þessara liða alls 72 sinnum. Barcelona 68 sinnum og því hefur niðurstaðan verið janftefli í 32 leikjum. Real Madrid hefur oftar orðið Spánarmeistari (32 sinnum) og Evrópumeistari (11 sinnum) en þegar allir titlar eru taldir saman hefur Barcelona unnið 91 keppni en Real Madrid 81. Í úttekt Sky Sports kemur líka ýmislegt forvitnilegt í ljós. Fleiri leita sér upplýsinga um Barcelona en Real Madrid á Google en liðin standa nánast jöfn hvað fylgjendur á samfélagsmiðlum varðar. Þegar kemur að fylgjendafjölda einstakra leikmanna hefur þó Real Madrid vinninginn enda Cristiano Ronaldo í sérflokki hvað þetta varðar með samtals 249 milljónir fylgjenda.Tímasett fyrir Asíumarkað Líklegt er að hálfur milljarður muni horfa á leikinn í sjónvarpi í dag. Spænska úrvalsdeildin er óhrædd við að nýta sér vinsældir leiksins og risaskjám hefur verið komið fyrir í Peking, Sjanghæ, Nýju-Delhi, Múmbaí og Jóhannesarborg í þeim eina tilgangi að gefa fólki tækifæri að koma saman og horfa á leikinn - líkt og tíðkast þegar stórmót í knattspyrnu fara fram. Leikurinn verður sýndur í 180 löndum og fær líklega meiri áhorf en bæði Super Bowl, úrslitaleikurinn í NFL, sem og úrslitakeppnin í NBA-deildinni. Óvenjulegur leiktími er á leiknum nú, klukkan 16.15 að staðartíma (15.15 á Íslandi) en það er gert með það í huga að vera með leikinn á hagstæðum tíma fyrir Asíumarkað. Sjónvarpsáhorfendur í Bretlandi þurfa þó að bíta í það súra epli að missa af leiknum þar sem bannað er með lögum að sjónvarpa knattspyrnuleikjum klukkan 15.00 á laugardögum. Lögin hafa þann tilgang að hvetja almenning í Bretlandi að fara á völlinn og styðja sitt lið.Öflug umfjöllun Stöðvar 2 Sports Það er eru ótal fletir á þessum leik og auðvitað ótækt að gera þeim öllum skil í einni grein. En leiknum verða gerð góð skil á Stöð 2 Sport - hann verður vitanlega í beinni útsendingu auk þess sem að sérfræðingar í myndveri munu hita upp fyrir leikinn. Hjörtur J. Hjartarson mun stýra upphitun Stöðvar 2 Sports fyrir leikinn en honum til halds og trausts verða þeir Bjarni Guðjónsson og Davíð Þór Viðarsson, fyrirliði Íslandsmeistara FH. Spænski boltinn Mest lesið Usyk fyrstur til að vinna Fury Sport Var spáð falli en eru á leið í Meistaradeildina Fótbolti Tapið í gær þýðir að Kane missir af enn einum titlinum Fótbolti „Eins og að spila við landslið Þýskalands nasismans“ Sport Telur að Usyk hafi unnið vegna stríðsins í Úkraínu Sport Dagskráin í dag: Sófasunnudagur frá morgni til kvölds Sport Chelsea sækir undrabarn frá Brasilíu Fótbolti Klökkur Jóhann Berg beygði af í viðtali Enski boltinn Ten Hag segir United í betri stöðu en fyrir ári Enski boltinn Verstappen á ráspól og jafnaði 35 ára gamalt met Formúla 1 Fleiri fréttir Klopp segir að Liverpool verði í góðum höndum hjá Slot Ten Hag segir United í betri stöðu en fyrir ári Tapið í gær þýðir að Kane missir af enn einum titlinum Chelsea sækir undrabarn frá Brasilíu Var spáð falli en eru á leið í Meistaradeildina Ótrúlegir yfirburðir tryggðu tíunda bikarmeistaratitilinn Stutt gaman hjá Birki er Brescia missti af sæti í efstu deild AC Milan hleypti Torino inn í Evrópubaráttu Keflavík og Grindavík tryggðu sér sæti í átta liða úrslitum Jón Daði og félagar náðu ekki að koma sér upp um deild Hayes kvaddi Chelsea með fimmta titlinum í röð og Dagný komin í hóp Leiknir vann Breiðholtsslaginn og Njarðvík með fullt hús stiga Reus kvaddi með draumamarki og Leverkusen kláraði tímabilið ósigrað De Zerbi hættir hjá Brighton Foden valinn bestur á Englandi Sandra María lagði upp bæði mörk Þórs/KA í bikarsigri á Dalvík Hélt upp á landsliðsvalið með marki Tvisvar sinnum rekinn á sama deginum Arteta vonast eftir hjálp frá Moyes: „Vonandi gerist eitthvað dásamlegt“ Klökkur Jóhann Berg beygði af í viðtali Jóhann Berg fer frá Burnley í sumar Íhuga að reka Xavi sem hætti við að hætta Klopp myndi kjósa með afnámi VAR Rekinn tveimur dögum eftir bikarmeistaratitilinn Valsmenn síðastir inn í átta liða úrslit Southampton leikur um laust sæti í ensku úrvalsdeildinni Jón Dagur kom inn af bekknum og bjargaði stigi Van Dijk með þrennu og Diljá tvennu í stórsigri Leuven Kristín Dís lék allan leikinn er Brøndby komst í úrslit Meiðslapésarnir fara frá Liverpool Sjá meira
Þó svo að desember sé rétt svo nýhafinn er ljóst að viðureign Barcelona og Real Madrid á morgun gæti haft heilmikið að segja um titilbaráttuna á Spáni. Um sögufræga viðureign er að ræða á milli tveggja langstærstu liða Spánar sem hafa nánast einokað spænska meistaratitilinn frá upphafi. Til þess að undirstrika má nefna að annað þessara liða hafa orðið meistarar á Spáni í 56 skipti en öll önnur lið í samtals 29 skipti. Þessi skipting er enn skýrari en undanfarin 32 ár hafa önnur lið náð að skáka þeim í aðeins fimm skipti. Barcelona hefur haft yfirhöndina síðustu ár en síðan 2008 hefur liðið orðið sex sinnum meistari - Real Madrid aðeins einu sinni. En nú virðist sem svo að Madrídingar hafi yfirhöndina, ekki síst eftir ráðningu Zinedine Zidane í stöðu knattspyrnustjóra.Vísir/GettyZidane-áhrifin greinileg Real Madrid var í tómu basli um þetta leyti á síðasta ári. Rafa Benitez var á sínu fyrsta ári sem stjóri liðsins og hann entist ekki lengi í starfi. Benitez var rekinn í upphafi janúar en þá voru Madrídingar í þriðja sæti deildarinnar, fimm stigum á eftir Barcelona. Eftir að Zidane tók við hefur liðið verið besta knattspyrnulið Spánar. Það er svo einfalt. Liðið hefur aðeins tapað einum deildarleik (gegn Atletico Madrid á heimavelli þann 27. febrúar) af alls 33. Sjá einnig: Zidane: Með samanklipna rassa í El Clasico Í þessum 33 deildarleikjum hefur Zidane fengið samtals 86 stig. Barcelona hefur á sama tímabili fengið 76 stig. Það er ekki slæmur árangur en munurinn á milli liðanna er talsverður. Það má heldur ekki gleyma því að Real Madrid varð Evrópumeistari í vor, undir stjórn Zinedine Zidane, eftir sigur á grannliðinu Atletico Madrid í úrslitaleik.Andres Iniesta.Vísir/GettyEndurkoma Iniesta Hvorugt lið hefur tapað síðustu sex leikjum sínum í spænsku deildinni en Börsungar hafa gefið eftir með því að gera jafntefli í báðum leikjum sínum eftir landsleikjahléið - gegn Malaga og Real Sociedad. Náði Barcelona að skora aðeins eitt mark í þeim leikjum. Mögulega hefur það haft áhrif að miðjumaðurinn Andrés Iniesta hefur verið frá vegna meiðsla síðustu sex vikurnar en hann ætti að verða klár í slaginn fyrir leikinn á morgun. Barcelona var með eins stigs forystu á Real þegar Iniesta meiddist þann 22. október síðastliðinn. Sjá einnig: Gleðifréttir fyrir Barcelona-liðið Sóknarþríeykið - Lionel Messi, Luis Suarez og Neymar hafa allir verið með í síðustu leikjum og eru klárir í slaginn. Svar Real Madrid við MSN er BBC - Benzema, Bale og Ronaldo. En Gareth Bale er alvarlega meiddur og nýjustu fréttir herma að hann verði mögulega ekki aftur með fyrr en í apríl á næsta ári. Bale er að glíma við alvarleg meiðsli á ökkla. Sjá einnig: Gareth Bale leggst á skurðarborðið á þriðjudaginn Real verður einnig mögulega án Toni Kroos, Þjóðverjans öfluga, sem hefur misst af síðustu fjórum leikjum Real Madrid. Hann æfði þó með liðinu í dag og gæti því komið við sögu á morgun.BBC verður án Gareth Bale.vísir/gettyToppsætið skiptir engu „Það verður mikil pressa á okkur og það vitum við allir,“ sagði sóknarmaðurinn Karim Benzema hjá Real Madrid. „Það skiptir okkur því engu máli þó svo að við séum á toppi deildarinnar fyrir leikinn.“ „Þetta er leikurinn sem allir horfa á. Heimurinn stöðvast þegar Real Madrid og Barcelona spila og allir eru að tala um þennan leik,“ bætti hann við. Orð að sönnu. Þetta er 173. sinn sem El Clasico fer fram. Real hefur unnið leik þessara liða alls 72 sinnum. Barcelona 68 sinnum og því hefur niðurstaðan verið janftefli í 32 leikjum. Real Madrid hefur oftar orðið Spánarmeistari (32 sinnum) og Evrópumeistari (11 sinnum) en þegar allir titlar eru taldir saman hefur Barcelona unnið 91 keppni en Real Madrid 81. Í úttekt Sky Sports kemur líka ýmislegt forvitnilegt í ljós. Fleiri leita sér upplýsinga um Barcelona en Real Madrid á Google en liðin standa nánast jöfn hvað fylgjendur á samfélagsmiðlum varðar. Þegar kemur að fylgjendafjölda einstakra leikmanna hefur þó Real Madrid vinninginn enda Cristiano Ronaldo í sérflokki hvað þetta varðar með samtals 249 milljónir fylgjenda.Tímasett fyrir Asíumarkað Líklegt er að hálfur milljarður muni horfa á leikinn í sjónvarpi í dag. Spænska úrvalsdeildin er óhrædd við að nýta sér vinsældir leiksins og risaskjám hefur verið komið fyrir í Peking, Sjanghæ, Nýju-Delhi, Múmbaí og Jóhannesarborg í þeim eina tilgangi að gefa fólki tækifæri að koma saman og horfa á leikinn - líkt og tíðkast þegar stórmót í knattspyrnu fara fram. Leikurinn verður sýndur í 180 löndum og fær líklega meiri áhorf en bæði Super Bowl, úrslitaleikurinn í NFL, sem og úrslitakeppnin í NBA-deildinni. Óvenjulegur leiktími er á leiknum nú, klukkan 16.15 að staðartíma (15.15 á Íslandi) en það er gert með það í huga að vera með leikinn á hagstæðum tíma fyrir Asíumarkað. Sjónvarpsáhorfendur í Bretlandi þurfa þó að bíta í það súra epli að missa af leiknum þar sem bannað er með lögum að sjónvarpa knattspyrnuleikjum klukkan 15.00 á laugardögum. Lögin hafa þann tilgang að hvetja almenning í Bretlandi að fara á völlinn og styðja sitt lið.Öflug umfjöllun Stöðvar 2 Sports Það er eru ótal fletir á þessum leik og auðvitað ótækt að gera þeim öllum skil í einni grein. En leiknum verða gerð góð skil á Stöð 2 Sport - hann verður vitanlega í beinni útsendingu auk þess sem að sérfræðingar í myndveri munu hita upp fyrir leikinn. Hjörtur J. Hjartarson mun stýra upphitun Stöðvar 2 Sports fyrir leikinn en honum til halds og trausts verða þeir Bjarni Guðjónsson og Davíð Þór Viðarsson, fyrirliði Íslandsmeistara FH.
Spænski boltinn Mest lesið Usyk fyrstur til að vinna Fury Sport Var spáð falli en eru á leið í Meistaradeildina Fótbolti Tapið í gær þýðir að Kane missir af enn einum titlinum Fótbolti „Eins og að spila við landslið Þýskalands nasismans“ Sport Telur að Usyk hafi unnið vegna stríðsins í Úkraínu Sport Dagskráin í dag: Sófasunnudagur frá morgni til kvölds Sport Chelsea sækir undrabarn frá Brasilíu Fótbolti Klökkur Jóhann Berg beygði af í viðtali Enski boltinn Ten Hag segir United í betri stöðu en fyrir ári Enski boltinn Verstappen á ráspól og jafnaði 35 ára gamalt met Formúla 1 Fleiri fréttir Klopp segir að Liverpool verði í góðum höndum hjá Slot Ten Hag segir United í betri stöðu en fyrir ári Tapið í gær þýðir að Kane missir af enn einum titlinum Chelsea sækir undrabarn frá Brasilíu Var spáð falli en eru á leið í Meistaradeildina Ótrúlegir yfirburðir tryggðu tíunda bikarmeistaratitilinn Stutt gaman hjá Birki er Brescia missti af sæti í efstu deild AC Milan hleypti Torino inn í Evrópubaráttu Keflavík og Grindavík tryggðu sér sæti í átta liða úrslitum Jón Daði og félagar náðu ekki að koma sér upp um deild Hayes kvaddi Chelsea með fimmta titlinum í röð og Dagný komin í hóp Leiknir vann Breiðholtsslaginn og Njarðvík með fullt hús stiga Reus kvaddi með draumamarki og Leverkusen kláraði tímabilið ósigrað De Zerbi hættir hjá Brighton Foden valinn bestur á Englandi Sandra María lagði upp bæði mörk Þórs/KA í bikarsigri á Dalvík Hélt upp á landsliðsvalið með marki Tvisvar sinnum rekinn á sama deginum Arteta vonast eftir hjálp frá Moyes: „Vonandi gerist eitthvað dásamlegt“ Klökkur Jóhann Berg beygði af í viðtali Jóhann Berg fer frá Burnley í sumar Íhuga að reka Xavi sem hætti við að hætta Klopp myndi kjósa með afnámi VAR Rekinn tveimur dögum eftir bikarmeistaratitilinn Valsmenn síðastir inn í átta liða úrslit Southampton leikur um laust sæti í ensku úrvalsdeildinni Jón Dagur kom inn af bekknum og bjargaði stigi Van Dijk með þrennu og Diljá tvennu í stórsigri Leuven Kristín Dís lék allan leikinn er Brøndby komst í úrslit Meiðslapésarnir fara frá Liverpool Sjá meira