Hið ömurlega ár 2016 gert upp með lagi

Bresku sönggrínistarnir Flo og Joan eru langt frá því sáttar með hvernig árið 2016 lék heimsbyggðina.

Fjölmargar dáðar stjörnur kvöddu okkur á árinu sem einkenndist af stórtíðindum í alþjóðastjórnmálum í bland við voðaverk og síaukinn flóttamannastraum.

Systurnar, til þess að tappa af óánægju sinni, ákváðu því að gera upp árið með fjörugu lagi þar sem hvergi er til sparað í blótsyrðunum.

„Þú ert í alvöru bremsufar allra ömurlegra ára,“ segja þær Flo og Joan í uppgjöri sínu hér að neðan.