Klúðurslegt töfrabragð stórleikarans sló í gegn

Stórleikaranum Chris Pratt er margt til lista lagt. Því fengu áhorfendur að kynnast í gær þegar hann var gestur í spjallþætti Graham Norton í gær ásamt þeim Will.I.Am., Jennifer Lawerence og Jamie Oliver.

Þar dró Pratt, sem hefur gert garðinn frægan í kvikmyndum á borð við Guardians of the Galaxy, Jurassic World og þáttunum Parks and Recreation, upp spilastokk og reyndi hvað hann gat til að töfra viðstadda upp úr skónum. Það gekk þó töluvert brösulega eins og myndbandið hér að neðan ber með sér.

Um töfrabragð Pratt gildir þó hið fornkveðna: Sjón er sögu ríkari.