Ætla að ná stjórn á ástandinu í Calais

Franska ríkisstjórnin hefur heitið því að viðhalda lögum og reglu í hafnarborginni Calais eftir að hópur flóttafólks ruddist um borð í ferju á leið til Bretlands í gær.

Frannski innanríkisráðherrann, Bernard Cazeneuve, segir að 35 manns – 26 flóttamenn og níu aðgerðasinnar – hafi verið handteknir eftir að hópurinn ruddist um borð í P&O's Spirit of Britain á laugardag.

Bretar hafa kallað eftir ákveðnari aðgerðum af hálfu Frakka, en á milli fjögur og sex þúsund flóttamenn hafast nú við í í flóttamannabúðum í Calais í þeirri von að komast til Bretlands.