Innlent

Tækifæri til að hafa áhrif á samfélagið okkar

Kolbeinn Tumi Daðason skrifar
Frá Fundi fólksins í fyrra.
Frá Fundi fólksins í fyrra.
„Það vilja allir hafa áhrif á samfélag sitt en finnast þeir ekki alltaf geta það, en nú er lag á lýðræðis- og stjórnmálahátíðinni Fundi Fólksins sem haldin verður við Norræna húsið næstu helgi, 2.-3. september nk.” segir Ingibjörg Gréta Gísladóttir, verkefnastjóri hátíðarinnar. 

„Við sláum upp tjaldbúðum þar sem hin ýmsu félagasamtök, stjórnmálaflokkar, stofnanir og fyrirtæki verða með fjölbreytta dagskrá og þjóðþekktir einstaklingar stjórna sjóðheitum umræðum. Á 30 mínútna fresti verða samtöl við stjórnmálamenn í Stjórnmálabúðum hátíðarinnar. Þar að auki verða pallborðsumræður, kynningar,  stjórnmála speed-date og pub-quiz í bland við tónlistaratriði og aðrar uppákomur.”

Þorsteinn Guðmundsson grínisti hefur sína skoðun á skoðanaskiptum.

Hún segir hátíðina einstaklega vel tímasetta í ár, því hún sé upptaktur kosninga og því megi búast við fjörlegum umræðum en tæplega 80 þátttakendur eru skráðir til leiks með um 100 viðburði og fjölbreytt málefni. 

„Við erum búin að vera í nánu samtali við stjórnmálaflokka, alþingismenn og forseta alþingis til að vinna að því að dagskrá þingsins skarist ekki við Fund Fólksins. Það er afar áríðandi að lýðræðis- og stjórnmálahátíð sem þessi sé vel sótt af stjórnmálamönnum og því allt kapp lagt á að það verði.“

Fundur Fólksins er hátíð að norrænni fyrirmynd en slíkar hátíðir hafa verið haldnar í áratugi og er Almedalsveckan á Gotlandi í Svíþjóð þeirra þekktust.

Það er Almannaheill - samtök þriðja geirans sem er framkvæmdaaðili hátíðarinnar í samstarfi við Velferðarráðuneytið, Reykjavíkurborg og Norræna húsið.

Dagskrána má sjá hér að neðan og nánari upplýsingar eru á www.fundurfolksins.is

Mest lesið


Fleiri fréttir

Sjá meira


×

Mest lesið