Innlent

Ekkert verið ákveðið með viðræður milli Viðreisnar, Bjartrar framtíðar og Sjálfstæðisflokks

Gunnar Atli Gunnarsson skrifar

Engin ákvörðun hefur verið tekin um formlegar eða óformlegar viðræður milli Bjartrar framtíðar, Sjálfstæðisflokks og Viðreisnar.

Þetta sagði Benedikt Jóhannesson, formaður Viðreisnar, í samtali við fréttastofu í morgun og bætti við að ekkert hefði gerst í viðræðum um myndun nýrrar ríkisstjórnar síðustu daga, að minnsta kosti hvað Viðreisn varðar.

Aðspurður hvort von væri á tíðindum fyrir áramót sagði Benedikt að ómögulegt væri að segja til um það. Í ljósi þess hvernig viðræður síðustu vikna hefðu gengið hefði hann lært að halda væntingum í lágmarki. Þó væri ljóst að eitthvað þyrfti að fara að gerast.


Tengdar fréttir

Uppgjöf að boða til kosninga

Guðni Th. Jóhannesson, forseti Íslands, segir að það að boða til kosninga feli í sér ákveðna uppgjöf. Hann vill leita allra leiða til að mynda meirihluta- eða minnihlutaríkisstjórn á grundvelli þess þings sem nú situr.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.