Naomi Watts tjáir sig í fyrsta sinn um nýlegan skilnað

Ástralska leikkonan Naomi Watts hefur nú tjáð sig í fyrsta sinn eftir skilnaðinn við leikarann Liev Schrieber. Í samtali við Daily Telegraph sagðist Watts vera á góðum stað í lífinu.

„Mér líður eins og ég sé á góðum stað í lífinu, ég vil að börnin mín séu heilbrigð og hamingjusöm og að hlutirnir gangi vel.“

Watts segir þó að breytingar séu alltaf fremur ógnvekjandi.

„Hvort sem þú ert frægur eða ekki þá eru breytingar alltaf ógnvekjandi. Mér finnst breytingar alltaf vera ógnvekjandi því það felur í sér eitthvað nýtt og þú veltir fyrir þér hvernig hlutirnir munu verða.“

Watts og Schrieber höfðu verið saman í ellefu ár áður en þau tilkynntu um skilnað sinn fyrir rúmum tveimur mánuðum síðan. Þau eiga saman drengina Alexander og Samuel, ellefu og sjö ára. Schreiber hefur ekki enn tjáð sig um skilnaðinn.