Kennslu aflýst vegna brunans

Raunvísindadeild Háskóla Íslands hefur aflýst allri kennslu sem átti að fara fram í VR-1, byggingu Háskóla Íslands vegna elds sem kom þar upp í morgun. Þar kom eldur upp í stofu á annarri hæð, þar sem meðal annars er kennd efnafræði. Því má finna eldfim og hættuleg efni þar.

Í tilkynningu frá háskólanum segir þó að efnin séu í sérútbúnum efnageymslum þar sem ströngum öryggiskröfum er fylgt.

Slökkvilið var fljótt á vettvang eftir að öryggisverðir tilkynntu eldinn á fimmta tímanum og gekk vel að ráða niðurlogum hans. Slökkvistarfi lauk um klukkan sjö en húsið er enn vaktað til að fylgjast með því hvort eldur komi upp að nýju.