Gestastofan verður dýrari

Bygging gestastofu á Hakinu í þjóðgarðinum á Þingvöllum verður 20 prósent dýrari en kostnaðaráætlun gerði ráð fyrir. Þetta kemur fram í fundargerð Þingvallanefndar frá 6. september sem birt var í gær.

Þrjú tilboð bárust í gestastofuna eftir útboð Ríkiskaupa. Lægsta tilboðið, frá Þarfaþingi, nam tæpum 447 milljónum króna. Kostnaðar­áætlunin var 360 milljónir.

„Kostnaðaraukinn skýrist aðallega af því að vinnusvæðið er erfitt og jarðvinna er mikil,“ segir meðal annars í fundargerðinni en samþykkt var að taka tilboði Þarfaþings og leita til forsætisráðuneytisins og Alþingis um fjármögnun. 

Fréttin birtist fyrst í Fréttablaðinu