Formaður dómaranefndar: Hegðun Einars alveg út úr kú Henry Birgir Gunnarsson skrifar 11. október 2016 14:49 Guðjón L. svarar Einari fullum hálsi og spurning hvernig aganefnd tekur á máli þjálfarans. myndir/valli & ernir / samsett mynd/garðar Framkvæmdastjóri HSÍ, Einar Þorvarðarson, hefur vísað ummælum Einars Jónssonar, þjálfara Stjörnunnar, á Vísi í gær til aganefndar. Formaður dómaranefndar HSÍ vísar ásökunum þjálfarans til föðurhúsanna. Einar var hvassyrtur í viðtali við Vísi í gær og ýjaði að því að dómarar leiks Stjörnunnar og Aftureldingar, Arnar Sigurjónsson og Svavar Pétursson, hefðu vísvitandi dæmt gegn hans liði. Stjarnan tapaði leiknum með fimm marka mun en jafnt var á með liðunum þar til á lokamínútunum. Einar fékk svo að líta rauða spjaldið eftir að leik lauk. „Það er mjög einkennilegt hvernig Einar hagar sér. Ég er að fá svona tölvupósta að minnsta kosti einu sinni í viku frá þjálfurum. Þar senda þér mér klippur og spyrja mig álits. Þá höfum við útkljáð það á milli okkar,“ segir Guðjón L. Sigurðsson, formaður dómaranefndar HSÍ, en hann var afar hissa er hann sá viðtalið við Einar á Vísi í gær.Sjá einnig: Einar vill fá afsökunarbeiðni frá dómurunum „Ég fékk póst frá Einari í gærmorgun og hann gefur okkur ekki ráðrúm til þess að svara. Þetta er bara allt í einu komið í blöðin. Það finnst mér vera alveg út úr kú. Ég hef ekki enn kíkt á klippurnar hans Einars en hef heyrt í mönnum sem hafa gert það. Þeim ber ekki öllum saman um hvað sé rétt. Ég mun skoða þetta sjálfur.“ Guðjón segir að það sé ekkert óalgengt að þjálfarar sendi sér svona tíu atriði úr leikjum þar sem þeim finnst halla á sitt lið. „Svo þegar maður skoðar þau þá standa kannski eftir tvö atvik þar sem hefði mátt dæma á hinn veginn. Oftast eru þetta 50/50 atvik og jafnvel gefa menn sér eitthvað sem er kolrangt. Þá er það útskýrt og farið í gegnum þeim með það. Það finnst mér bara fínt og ég hef beðið þjálfarana um að senda mér svona. Ég vil ræða við þá en ekki í fjölmiðlum.“Arnar Sigurjónsson og Svavar Pétursson dæmdu leikinn sem um ræðir.vísir/stefánÞjálfarinn sagði við Vísi að sér þætti mjög eðlilegt að dómarar leiksins myndu hreinlega ganga fram fyrir skjöldu og biðjast afsökunar á dómgæslunni. „Ég get lofað þér því að það er ekki að fara að gerast. Ef það væri eitthvað þess eðlis að það þyrfti að gera svo að þá myndum við að sjálfsögðu gera það. Mér skilst að það sem sé á þessari klippu gefi ekki tilefni til afsökunarbeiðnar,“ segir Guðjón. Einar vildi líka meina að dómarar gerðu ekkert í sínum málum. Sinntu engri vinnu til að bæta sig. Þeir vildu bara fá klippur frá þjálfurum í stað þess að gera hlutina sjálfur. „Þetta snýst allt um einhverja helvítis spinningtíma og eitthvað drasl yfir sumartímann,“ sagði Einar. „Þetta er bara kolrangt hjá Einari. Flest pörin eyða miklum tíma í að skoða sína frammistöðu og ég tala ekki um þetta par sem er Evrópupar. Þeir skoða alla sína leiki vel og það jafnvel oftar en tvisvar og þrisvar. Ég vísa þessari gagnrýni algjörlega til föðurhúsanna,“ segir Guðjón um þessa gagnrýni Einars. „Það er búið að bregðast við þessu máli með því að senda ummæli hans í viðtölum til aganefndar. Svo þurfum við að bregðast við bréfi hans og svara því. Það verður okkar á milli.“ Hér að neðan má sjá atvikin tíu þar sem Einar vill meina að verið sé að dæma gegn hans liði. Olís-deild karla Mest lesið Bakgarðshlaupið í beinni útsendingu Sport Sigríður Á. Andersen varð Íslandsmeistari Sport Í beinni: FH - ÍBV | Oddaleikur í Krikanum Handbolti Uppgjör og viðtöl: KA-KR 1-1 | Smit stal fyrirsögnunum enn og aftur Íslenski boltinn Markasúpa þegar Liverpool komst á sigurbraut Enski boltinn Féllu á meðan þjálfarinn sem þeir ráku hélt Blackburn uppi Enski boltinn Fengu myndsímtal frá Ed Sheeran í búningsklefanum Enski boltinn Búið að fjarlægja auglýsingarnar af gólfinu í Smáranum Körfubolti Hetja Keflvíkinga hafði aldrei áður skorað svona flautukörfu á ferlinum Körfubolti Leik lokið: Keflavík - Stjarnan 87-78 | Heimakonur einum sigri frá úrslitum Körfubolti Fleiri fréttir Afturelding einum sigri frá úrslitum Í beinni: FH - ÍBV | Oddaleikur í Krikanum Magdeburg á toppinn eftir stórleik Íslendinganna Fyrsta tap lærisveina Guðjóns Vals síðan í byrjun mars Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Sjá meira
Framkvæmdastjóri HSÍ, Einar Þorvarðarson, hefur vísað ummælum Einars Jónssonar, þjálfara Stjörnunnar, á Vísi í gær til aganefndar. Formaður dómaranefndar HSÍ vísar ásökunum þjálfarans til föðurhúsanna. Einar var hvassyrtur í viðtali við Vísi í gær og ýjaði að því að dómarar leiks Stjörnunnar og Aftureldingar, Arnar Sigurjónsson og Svavar Pétursson, hefðu vísvitandi dæmt gegn hans liði. Stjarnan tapaði leiknum með fimm marka mun en jafnt var á með liðunum þar til á lokamínútunum. Einar fékk svo að líta rauða spjaldið eftir að leik lauk. „Það er mjög einkennilegt hvernig Einar hagar sér. Ég er að fá svona tölvupósta að minnsta kosti einu sinni í viku frá þjálfurum. Þar senda þér mér klippur og spyrja mig álits. Þá höfum við útkljáð það á milli okkar,“ segir Guðjón L. Sigurðsson, formaður dómaranefndar HSÍ, en hann var afar hissa er hann sá viðtalið við Einar á Vísi í gær.Sjá einnig: Einar vill fá afsökunarbeiðni frá dómurunum „Ég fékk póst frá Einari í gærmorgun og hann gefur okkur ekki ráðrúm til þess að svara. Þetta er bara allt í einu komið í blöðin. Það finnst mér vera alveg út úr kú. Ég hef ekki enn kíkt á klippurnar hans Einars en hef heyrt í mönnum sem hafa gert það. Þeim ber ekki öllum saman um hvað sé rétt. Ég mun skoða þetta sjálfur.“ Guðjón segir að það sé ekkert óalgengt að þjálfarar sendi sér svona tíu atriði úr leikjum þar sem þeim finnst halla á sitt lið. „Svo þegar maður skoðar þau þá standa kannski eftir tvö atvik þar sem hefði mátt dæma á hinn veginn. Oftast eru þetta 50/50 atvik og jafnvel gefa menn sér eitthvað sem er kolrangt. Þá er það útskýrt og farið í gegnum þeim með það. Það finnst mér bara fínt og ég hef beðið þjálfarana um að senda mér svona. Ég vil ræða við þá en ekki í fjölmiðlum.“Arnar Sigurjónsson og Svavar Pétursson dæmdu leikinn sem um ræðir.vísir/stefánÞjálfarinn sagði við Vísi að sér þætti mjög eðlilegt að dómarar leiksins myndu hreinlega ganga fram fyrir skjöldu og biðjast afsökunar á dómgæslunni. „Ég get lofað þér því að það er ekki að fara að gerast. Ef það væri eitthvað þess eðlis að það þyrfti að gera svo að þá myndum við að sjálfsögðu gera það. Mér skilst að það sem sé á þessari klippu gefi ekki tilefni til afsökunarbeiðnar,“ segir Guðjón. Einar vildi líka meina að dómarar gerðu ekkert í sínum málum. Sinntu engri vinnu til að bæta sig. Þeir vildu bara fá klippur frá þjálfurum í stað þess að gera hlutina sjálfur. „Þetta snýst allt um einhverja helvítis spinningtíma og eitthvað drasl yfir sumartímann,“ sagði Einar. „Þetta er bara kolrangt hjá Einari. Flest pörin eyða miklum tíma í að skoða sína frammistöðu og ég tala ekki um þetta par sem er Evrópupar. Þeir skoða alla sína leiki vel og það jafnvel oftar en tvisvar og þrisvar. Ég vísa þessari gagnrýni algjörlega til föðurhúsanna,“ segir Guðjón um þessa gagnrýni Einars. „Það er búið að bregðast við þessu máli með því að senda ummæli hans í viðtölum til aganefndar. Svo þurfum við að bregðast við bréfi hans og svara því. Það verður okkar á milli.“ Hér að neðan má sjá atvikin tíu þar sem Einar vill meina að verið sé að dæma gegn hans liði.
Olís-deild karla Mest lesið Bakgarðshlaupið í beinni útsendingu Sport Sigríður Á. Andersen varð Íslandsmeistari Sport Í beinni: FH - ÍBV | Oddaleikur í Krikanum Handbolti Uppgjör og viðtöl: KA-KR 1-1 | Smit stal fyrirsögnunum enn og aftur Íslenski boltinn Markasúpa þegar Liverpool komst á sigurbraut Enski boltinn Féllu á meðan þjálfarinn sem þeir ráku hélt Blackburn uppi Enski boltinn Fengu myndsímtal frá Ed Sheeran í búningsklefanum Enski boltinn Búið að fjarlægja auglýsingarnar af gólfinu í Smáranum Körfubolti Hetja Keflvíkinga hafði aldrei áður skorað svona flautukörfu á ferlinum Körfubolti Leik lokið: Keflavík - Stjarnan 87-78 | Heimakonur einum sigri frá úrslitum Körfubolti Fleiri fréttir Afturelding einum sigri frá úrslitum Í beinni: FH - ÍBV | Oddaleikur í Krikanum Magdeburg á toppinn eftir stórleik Íslendinganna Fyrsta tap lærisveina Guðjóns Vals síðan í byrjun mars Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Sjá meira