Fullkominn dúett af laginu Hello: „Ef annar hvor ykkar fer heim, þá mun ég flengja dómarana“

Christian Cuevas og Jason Warrior áttu sviðið í bandarísku útgáfunni af raunveruleikaþáttunum The Voice í vikunni.

Þeir félagarnir fluttu dúett af laginu Hello með Adele sem gerði allt vitlaust í heiminum á síðasta ári.

Dómarar þáttarins í ár eru þau Adam Levine, Blake Shelton, Miley Cyrus og Alicia Keys en Cuevas og Warrior eru í liðinu hjá Keys. Frammistaða söngvaranna hefur vakið mikla athygli á samfélagsmiðlum í vikunni og þegar þessi frétt er skrifuð hafa 24 milljónir manna horft á flutning þeirra á Facebook.

Reglurnar í þáttunum er þannig að þjálfarinn þarf að velja einn til að halda áfram í næstu umferð og hefur það aldrei verið eins erfitt. Keys valdi að lokum Cuevas.

Reglunar er einnig á þá leið að hinir dómararnir mega stela keppandanum sem verður eftir og var Adam Levine ekki lengi að því, og stal hann Jason Warrior. Hér að neðan má sjá þennan ótrúlega flutning sem erfitt verður að toppa.

Hér að neðan má hlusta á lagið Hello með Adele