Fjármálaráðherra eins og Martha Stewart í eldhúsinu

Bjarni Benediktsson, fjármálaráðherra og formaður Sjálfstæðisflokksins, er greinilega margt til listanna lagt. Sjálfstæðisflokkurinn deilir í dag nýju myndbandi af Bjarna þar sem fylgjast má með honum í eldhúsinu að skreyta köku fyrir afmælisveislu dóttur sinnar.

Það er greinilegt að þetta var ekki í fyrsta skipti sem Bjarni skreytir köku og kann hann augljóslega öll trikkin í bókinni.

Hann segist ekki hafa mikinn tíma til að dunda sér svona en það skemmtilegast við þetta allt saman er að sjá svipinn á dóttur sinni þegar hún sér kökuna.

Hér að neðan má sjá myndbandið sem flýgur nú eins og eldur í sinu um samfélagsmiðla. Rúmlega tvær vikur eru til kosninga og mun Bjarni líklega ekki komast mikið í eldhúsið á næstu daga. Bjarni minnir óneitanlega á Martha Stewart, einn frægasti sjónvarpskokkur heims, í eldhúsinu.