Hákarl komst inn í búr hjá kafara

Kafari sem hafði áhuga á að ná góðu myndefni af hvíthákörlum við strendur Mexíkó komst í hann krappann dögunum. Hákarl sem hafði verið laðaður að með stóru stykki úr túnfiski braut sér leið inn í búr kafarans þar sem hann reyndi að komast aftur út með miklum látum.

Starfsmenn ferðafyrirtækisins sem sá um köfunarferðina reyndu að ná kafaranum út með því að opna hlera sem er efst á búrinu. Kafarinn kom þó ekki þar út, heldur hákarlinn.

Skömmu seinna kom kafarinn upp úr búrinu, ómeiddur.