Nýliðarnir höfðu betur

Alfreð Finnbogason og félagar í Augsburg þurftu að sætta sig við 2-1 tap fyrir Red Bull Leipzig í 6. umferð þýsku úrvalsdeildarinnar í kvöld.

Augsburg er í 11. sæti deildarinnar með sjö stig en nýliðar Leipzig fóru upp í 3. sætið með sigrinum í kvöld.

Svíinn Emil Forsberg kom Leipzig yfir á 11. mínútu en aðeins þremur mínútum síðar jafnaði Suður-Kóreumaðurinn Ji Dong-Won metin í 1-1 og þannig var staðan í hálfleik.

Aðeins eitt mark var skorað í seinni hálfleik en það gerði danski framherjinn Yussuf Poulsen fyrir Leipzig á 52. mínútu.

Alfreð lék allan leikinn í framlínu Augsburg en tókst ekki að skora.