Zidane setur Varane í númerið sitt hjá Real Madrid

Franski miðvörðurinn Rapael Varane verður örugglega áfram hjá Real Madrid ef marka má nýjustu fréttirnar frá Santiago Bernabeu.

Það hefur verið mikið skrifað um það að Rapael Varane sé á förum frá Real Madrid og hefur hann verið orðaður við Manchester United meðal annarra liða.

Zinedine Zidane, þjálfari Real Madrid, hefur nú sett strákinn í fimmuna fyrir komandi tímabil en þetta er goðsagnakennt númer hjá félaginu.

Zinedine Zidane sjálfur var ekki sá eini sem spilaði í fimmunni hjá Real Madrid heldur einnig menn eins og Fernando Redondo og Fabio Cannavaro.

Rapael Varane spilaði áður í treyju númer tvö en hann hefur síðan verið númer fjögur hjá franska landsliðinu.

Rapael Varane er 23 ára gamall, þegar kominn með talsverða reynslu á stóra sviðinu og líklegur til að vera einn besti varnarmaður heims næstu árin. Hann hefur samt ekki átt fast sæti í liði Real Madrid þar sem þeir Sergio Ramos og Pepe hafa náð mjög vel saman.

Varane missti síðan af EM í Frakklandi vegna meiðsla sem og úrslitaleik Meistaradeildarinnar með Real Madrid. Við það bætist að Jose Mourinho þekkir hann vel frá tíma sínum í Madrid en Rapael Varane steig sín fyrstu skref í þjálfaratíð Mourinho.

Með því að gefa Varane fimmuna er Zinedine Zidane hinsvegar að senda út þau skilaboð að hann vilji sjá landa sinn spila áfram með Real Madrid.

Varane will be wearing the #5 previously worn by legends like Zidane, Redondo and Cannavaro. [rmtv] pic.twitter.com/iEnQFyweuB

— SB (@Realmadridplace) July 14, 2016