Sigmundur hefur ekki íhugað afsögn Tryggvi Páll Tryggvason og Jakob Bjarnar skrifa 4. apríl 2016 12:13 „Ég hef hvorki íhugað það að hætta, né ætla ég að hætta vegna þessa máls,“ sagði Sigmundur Davíð Gunnlaugsson forsætisráðherra, í sjónvarpsviðtali í aukafréttatíma Stöðvar 2 í hádeginu.Viðtalið má sjá í heild í spilaranum að ofan og fréttatímann í heild neðst í fréttinni.Hann vísaði til góðra verka ríkisstjórnarinnar aðspurður að því hvort framganga hans hafi ekki skaðað Ísland á alþjóðavettvangi. „Nei, ríkisstjórnin er búin að ná mjög góðum árangri. Framfarnirnar hafa verið mjög miklar og það er mikilvægt að ríkisstjórnin nái að klára sín verk,“ sagði Sigmundur Davíð sem segir að kjósendur fái tækifæri til að segja sína skoðun í næstu kosningum.Sjá einnig: Seldi Wintris fyrir einn bandaríkjadal„Það er því mikilvægt að ríkisstjórnin nái að klára sitt verk. Svo mun ég að sjálfsögðu eins og aðrir stjórnmálamenn verða dæmdur í kosningum af verkum mínum og öðru sem menn vilja leggja þar til grundvallar,“ sagði Sigmundur Davíð.Sigmundur Davíð Gunnlaugsson, forsætisráðherra kemur til fundar við samflokksmenn sína á Alþingi í dag.Segist hafa verið búinn að greina frá frá atriðum málsins Sigmundur Davíð sagði að tíðindi gærdagsins væru ekki ný og að hann og eiginkona sín væru búin að gera grein fyrir öllum atriðum málsins. Lagði hann áherslu á að Wintris hefði ekki verið í skattaskjóli og væri ekki aflandsfélag. „Aðalatriðið með þennan þátt sem verið er að vísa í því frá því í gær er að búið var að gera grein fyrir öllum þeim atriðum sem þar komu fram,“ Sigmundur Davíð. „Það er mjög mikilvægt að hafa í huga að þetta félag konu minnar hefur aldrei verið í skattaskjóli og er raunar ekki aflandsfélag í þeim skilningi, það hefur alltaf verið skattað á Íslandi.“ Hann neitar að hafa verið tvísaga í viðtalinu sem birt var í Kastljósi í gær og var tekið upp í ráðherrabústaðnum þann 11. mars síðastliðinn. Þar spurði sænskur blaðamaður hann að því hvort Sigmundur Davíð hafi tengst eða tengist á einhvern hátt aflandsfélögum. Sigmundur Davíð svaraði því neitandi áður en hann sagði að mögulegt væri að íslensk fyrirtæki sem hann hafi starfað fyrir hafi tengst aflandsfélögum. Sjá einnig: Leggja einnig fram tillögu um þingrof og kosningar„Það var komið inn í þessar spurningar út frá umræðu um skattaskjól og skattsvik og eins og ég sagði áðan hefur þetta félag aldrei verið í skattaskjóli,“ sagði Sigmundur Davíð. „Þegar þeir útskýra hvað þeir eru að meina þá tek ég strax fram og ítreka það sem er aðalatriði málsins að þessu fyrirtæki hefur aldrei verið leynt og alltaf verið greiddir allir skattar og skyldur af því.“Almennt stundað fyrir fólk sem átti peninga Í Kastljósi í gær var greint frá kaupsamningi sem Sigmundur Davíð undirritaði en þar sést að hann seldi helmingshlut í Wintris til eiginkonu sinnar á einn bandaríkjadollar. Kaupsamningurinn var gerður 31. desember 2009, daginn áður en breytingar á tekjuskattslögum með svokölluðum CFC-reglum vegna tekjuársins 2010 tóku gildi. Með breytingunum var komið á skattskyldu Íslendinga vegna hagnaðar erlendra félaga í eigu þeirra á lágskattasvæðum.Sigmundur óttast ekki fyrirhuguð mótmæliVísir/Anton BrinkSigmundur fékk úthlutað prókúru fyrir Wintris Inc. þegar félagið var stofnað. Prófkúran gerði honum kleift að skuldbinda félagið og meðhöndla eignir þess sem sínar eigin. Ekkert í gögnunum bendir til þess að prókúra Sigmundar hafi verið afturkölluð. „Konan mín byrjaði að skila sundurliðun yfir eigninnar áður en að lögin gerðu það skylt, ári áður,“ sagði Sigmundur Davíð. „Hvað varðar hinvegar það almennt að einhver tengdur stjórnmálamanni eigi svona félag skráð í útlöndum, auðvitað lítur það ekkert vel út en engu að síður verður að muna að þetta er eitthvað sem var almennt stundað fyrir fólk sem átti peninga.“Óttast ekki fyrirhuguð mótmæli Boðað hefur verið til fjölmennra mótmæla á Austurvelli klukkan 17.00 í dag undir yfirskriftinni Kosningar Strax!. Sigmundur óttast ekki fyrirhuguð mótmæli. „Það mætir nú ekki allt fólkið á Austurvöll, það er ekkert nýtt að menn finni sér tilefni til þess að mótmæla þessari ríkisstjórn,“ sagði Sigmundur Davíð.Sjá einnig: Þögn í herbúðum SjálfstæðismannaSigmundur sagði jafnframt að hann vildi biðjast afsökunar á því að hafa staðið sig illa í sjónvarpsviðtali, hinu umtalaða sem sýnt var í Kastljósi í gær, en hann segist ekki telja ástæðu til að biðjast afsökunar á neinu öðru. Hann hafi gert skilmerkilega grein fyrir öllu því sem fram kom í þættinum. „Aðalatriðið með þennan þátt er að ég var búinn að gera grein fyrir öllu sem þar kom fram. Það er þó alveg ljóst að ég stóð mig ömurlega í sjónvarpsviðtali í þessum þætti. Ég biðst afsökunar á frammistöðu minni í sjónvarpsþættinum,“ sagði Sigmundur Davíð. Panama-skjölin Tengdar fréttir Erlendir fjölmiðlar komnir hingað til að vera viðstaddir mótmælin Hátt í sjö þúsund manns hafa boðað komu sína á mótmæli klukkan fimm í dag, þar sem þess verður krafist að strax verði boðað til kosninga. Erlendir fjölmiðlar eru sérstaklega komnir hingað til lands til að vera viðstaddir mótmælin. 4. apríl 2016 13:46 Mest lesið Skreppiferðir í Jysk meðal þess sem ráðgjafi rukkaði fyrir Innlent Útlit fyrir mestu snjókomu í október í manna minnum Innlent Erfitt að segja til um viðbrögð við nýjum faraldri miðað við Covid-viðbrögð Innlent Ófremdarástandi lýst: Þrír stjórar í leyfi, einelti og hrun í starfsánægju Innlent Hafa fundið Cessna-vélina Erlent Heitavatnslaust á Suðurnesjum og rafmagnslaust víða um land Innlent Um 140 umsækjendur um alþjóðlega vernd týndir og eftirlýstir Innlent Matarbankar segjast ekki munu anna eftirspurninni Erlent Mildari spá í kortunum Veður Allt að þriggja tíma bið í dekkjaskipti Innlent Fleiri fréttir Misvægi atkvæða bitnar mest á Kraganum Heitavatnslaust á Suðurnesjum og rafmagnslaust víða um land Skreppiferðir í Jysk meðal þess sem ráðgjafi rukkaði fyrir „Ég tel ekki tilefni til að íhuga stöðu mína“ Áhyggjur af lánaframboði og ógnarlangar biðraðir Vara við ferðum á Fagradalsfjall þar sem aðstæður geti orðið hættulegar Kristmundur verður lögreglustjóri á Austurlandi „Vonandi klárast þetta á morgun“ Sá látni var á rjúpnaveiðum þegar hann varð fyrir voðaskotinu Kvartanir mannsins um ómannúðlega meðferð áður til skoðunar hjá NEL Ungi ökumaðurinn á Ísafirði úr lífshættu Nefnd SÞ gegn pyndingum skráir erindi hælisleitenda sem vísað var frá Íslandi Ófremdarástandi lýst: Þrír stjórar í leyfi, einelti og hrun í starfsánægju Bíða í allt að þrjá tíma: „Ætli það sé ekki bara helvítis veðurspáin“ Alger óvissa í lánamálum og margra tíma bið eftir dekkjaskiptum Kláfur á Ísafirði fari í opinbera kynningu Hófu ekki rannsókn á heimilisofbeldi fyrir misskilning Erfitt að segja til um viðbrögð við nýjum faraldri miðað við Covid-viðbrögð Allt að þriggja tíma bið í dekkjaskipti Komu innlyksa mæðginum til bjargar í Landmannalaugum Um 140 umsækjendur um alþjóðlega vernd týndir og eftirlýstir Garðheimar ljósið í myrkrinu við meinta gímaldsgötu Útlit fyrir mestu snjókomu í október í manna minnum Brennu–Njáls saga vekur alltaf lukku í Hvolsskóla Bresk freigáta í Akureyrarhöfn Beittur piparúða í fangaklefa, hótað með rafbyssu og sveltur Beittur piparúða, hótað með rafbyssu og sveltur í fangaklefa Sendiferðabíll í ljósum logum á Reykjanesbraut Íris segist ekki sækjast eftir sæti í Hafnarfirði Ástarbréf eru velkomin á héraðsskjalasöfn landsins Sjá meira
„Ég hef hvorki íhugað það að hætta, né ætla ég að hætta vegna þessa máls,“ sagði Sigmundur Davíð Gunnlaugsson forsætisráðherra, í sjónvarpsviðtali í aukafréttatíma Stöðvar 2 í hádeginu.Viðtalið má sjá í heild í spilaranum að ofan og fréttatímann í heild neðst í fréttinni.Hann vísaði til góðra verka ríkisstjórnarinnar aðspurður að því hvort framganga hans hafi ekki skaðað Ísland á alþjóðavettvangi. „Nei, ríkisstjórnin er búin að ná mjög góðum árangri. Framfarnirnar hafa verið mjög miklar og það er mikilvægt að ríkisstjórnin nái að klára sín verk,“ sagði Sigmundur Davíð sem segir að kjósendur fái tækifæri til að segja sína skoðun í næstu kosningum.Sjá einnig: Seldi Wintris fyrir einn bandaríkjadal„Það er því mikilvægt að ríkisstjórnin nái að klára sitt verk. Svo mun ég að sjálfsögðu eins og aðrir stjórnmálamenn verða dæmdur í kosningum af verkum mínum og öðru sem menn vilja leggja þar til grundvallar,“ sagði Sigmundur Davíð.Sigmundur Davíð Gunnlaugsson, forsætisráðherra kemur til fundar við samflokksmenn sína á Alþingi í dag.Segist hafa verið búinn að greina frá frá atriðum málsins Sigmundur Davíð sagði að tíðindi gærdagsins væru ekki ný og að hann og eiginkona sín væru búin að gera grein fyrir öllum atriðum málsins. Lagði hann áherslu á að Wintris hefði ekki verið í skattaskjóli og væri ekki aflandsfélag. „Aðalatriðið með þennan þátt sem verið er að vísa í því frá því í gær er að búið var að gera grein fyrir öllum þeim atriðum sem þar komu fram,“ Sigmundur Davíð. „Það er mjög mikilvægt að hafa í huga að þetta félag konu minnar hefur aldrei verið í skattaskjóli og er raunar ekki aflandsfélag í þeim skilningi, það hefur alltaf verið skattað á Íslandi.“ Hann neitar að hafa verið tvísaga í viðtalinu sem birt var í Kastljósi í gær og var tekið upp í ráðherrabústaðnum þann 11. mars síðastliðinn. Þar spurði sænskur blaðamaður hann að því hvort Sigmundur Davíð hafi tengst eða tengist á einhvern hátt aflandsfélögum. Sigmundur Davíð svaraði því neitandi áður en hann sagði að mögulegt væri að íslensk fyrirtæki sem hann hafi starfað fyrir hafi tengst aflandsfélögum. Sjá einnig: Leggja einnig fram tillögu um þingrof og kosningar„Það var komið inn í þessar spurningar út frá umræðu um skattaskjól og skattsvik og eins og ég sagði áðan hefur þetta félag aldrei verið í skattaskjóli,“ sagði Sigmundur Davíð. „Þegar þeir útskýra hvað þeir eru að meina þá tek ég strax fram og ítreka það sem er aðalatriði málsins að þessu fyrirtæki hefur aldrei verið leynt og alltaf verið greiddir allir skattar og skyldur af því.“Almennt stundað fyrir fólk sem átti peninga Í Kastljósi í gær var greint frá kaupsamningi sem Sigmundur Davíð undirritaði en þar sést að hann seldi helmingshlut í Wintris til eiginkonu sinnar á einn bandaríkjadollar. Kaupsamningurinn var gerður 31. desember 2009, daginn áður en breytingar á tekjuskattslögum með svokölluðum CFC-reglum vegna tekjuársins 2010 tóku gildi. Með breytingunum var komið á skattskyldu Íslendinga vegna hagnaðar erlendra félaga í eigu þeirra á lágskattasvæðum.Sigmundur óttast ekki fyrirhuguð mótmæliVísir/Anton BrinkSigmundur fékk úthlutað prókúru fyrir Wintris Inc. þegar félagið var stofnað. Prófkúran gerði honum kleift að skuldbinda félagið og meðhöndla eignir þess sem sínar eigin. Ekkert í gögnunum bendir til þess að prókúra Sigmundar hafi verið afturkölluð. „Konan mín byrjaði að skila sundurliðun yfir eigninnar áður en að lögin gerðu það skylt, ári áður,“ sagði Sigmundur Davíð. „Hvað varðar hinvegar það almennt að einhver tengdur stjórnmálamanni eigi svona félag skráð í útlöndum, auðvitað lítur það ekkert vel út en engu að síður verður að muna að þetta er eitthvað sem var almennt stundað fyrir fólk sem átti peninga.“Óttast ekki fyrirhuguð mótmæli Boðað hefur verið til fjölmennra mótmæla á Austurvelli klukkan 17.00 í dag undir yfirskriftinni Kosningar Strax!. Sigmundur óttast ekki fyrirhuguð mótmæli. „Það mætir nú ekki allt fólkið á Austurvöll, það er ekkert nýtt að menn finni sér tilefni til þess að mótmæla þessari ríkisstjórn,“ sagði Sigmundur Davíð.Sjá einnig: Þögn í herbúðum SjálfstæðismannaSigmundur sagði jafnframt að hann vildi biðjast afsökunar á því að hafa staðið sig illa í sjónvarpsviðtali, hinu umtalaða sem sýnt var í Kastljósi í gær, en hann segist ekki telja ástæðu til að biðjast afsökunar á neinu öðru. Hann hafi gert skilmerkilega grein fyrir öllu því sem fram kom í þættinum. „Aðalatriðið með þennan þátt er að ég var búinn að gera grein fyrir öllu sem þar kom fram. Það er þó alveg ljóst að ég stóð mig ömurlega í sjónvarpsviðtali í þessum þætti. Ég biðst afsökunar á frammistöðu minni í sjónvarpsþættinum,“ sagði Sigmundur Davíð.
Panama-skjölin Tengdar fréttir Erlendir fjölmiðlar komnir hingað til að vera viðstaddir mótmælin Hátt í sjö þúsund manns hafa boðað komu sína á mótmæli klukkan fimm í dag, þar sem þess verður krafist að strax verði boðað til kosninga. Erlendir fjölmiðlar eru sérstaklega komnir hingað til lands til að vera viðstaddir mótmælin. 4. apríl 2016 13:46 Mest lesið Skreppiferðir í Jysk meðal þess sem ráðgjafi rukkaði fyrir Innlent Útlit fyrir mestu snjókomu í október í manna minnum Innlent Erfitt að segja til um viðbrögð við nýjum faraldri miðað við Covid-viðbrögð Innlent Ófremdarástandi lýst: Þrír stjórar í leyfi, einelti og hrun í starfsánægju Innlent Hafa fundið Cessna-vélina Erlent Heitavatnslaust á Suðurnesjum og rafmagnslaust víða um land Innlent Um 140 umsækjendur um alþjóðlega vernd týndir og eftirlýstir Innlent Matarbankar segjast ekki munu anna eftirspurninni Erlent Mildari spá í kortunum Veður Allt að þriggja tíma bið í dekkjaskipti Innlent Fleiri fréttir Misvægi atkvæða bitnar mest á Kraganum Heitavatnslaust á Suðurnesjum og rafmagnslaust víða um land Skreppiferðir í Jysk meðal þess sem ráðgjafi rukkaði fyrir „Ég tel ekki tilefni til að íhuga stöðu mína“ Áhyggjur af lánaframboði og ógnarlangar biðraðir Vara við ferðum á Fagradalsfjall þar sem aðstæður geti orðið hættulegar Kristmundur verður lögreglustjóri á Austurlandi „Vonandi klárast þetta á morgun“ Sá látni var á rjúpnaveiðum þegar hann varð fyrir voðaskotinu Kvartanir mannsins um ómannúðlega meðferð áður til skoðunar hjá NEL Ungi ökumaðurinn á Ísafirði úr lífshættu Nefnd SÞ gegn pyndingum skráir erindi hælisleitenda sem vísað var frá Íslandi Ófremdarástandi lýst: Þrír stjórar í leyfi, einelti og hrun í starfsánægju Bíða í allt að þrjá tíma: „Ætli það sé ekki bara helvítis veðurspáin“ Alger óvissa í lánamálum og margra tíma bið eftir dekkjaskiptum Kláfur á Ísafirði fari í opinbera kynningu Hófu ekki rannsókn á heimilisofbeldi fyrir misskilning Erfitt að segja til um viðbrögð við nýjum faraldri miðað við Covid-viðbrögð Allt að þriggja tíma bið í dekkjaskipti Komu innlyksa mæðginum til bjargar í Landmannalaugum Um 140 umsækjendur um alþjóðlega vernd týndir og eftirlýstir Garðheimar ljósið í myrkrinu við meinta gímaldsgötu Útlit fyrir mestu snjókomu í október í manna minnum Brennu–Njáls saga vekur alltaf lukku í Hvolsskóla Bresk freigáta í Akureyrarhöfn Beittur piparúða í fangaklefa, hótað með rafbyssu og sveltur Beittur piparúða, hótað með rafbyssu og sveltur í fangaklefa Sendiferðabíll í ljósum logum á Reykjanesbraut Íris segist ekki sækjast eftir sæti í Hafnarfirði Ástarbréf eru velkomin á héraðsskjalasöfn landsins Sjá meira
Erlendir fjölmiðlar komnir hingað til að vera viðstaddir mótmælin Hátt í sjö þúsund manns hafa boðað komu sína á mótmæli klukkan fimm í dag, þar sem þess verður krafist að strax verði boðað til kosninga. Erlendir fjölmiðlar eru sérstaklega komnir hingað til lands til að vera viðstaddir mótmælin. 4. apríl 2016 13:46