Kvöldfréttir Stöðvar 2 í beinni frá Austurvelli

Kvöldfréttir Stöðvar 2 verða í beinni útsendingu frá Austurvelli í kvöld. Um átta þúsund manns eru nú samankomin á Austurvelli þar sem þess er krafist að ríkisstjórnin segi af sér og enn streymir fólk á torgið.

Í kvöldfréttum verður fjallað um mál málanna, Wintris-mál Sigmundar Davíðs Gunnlaugssonar og hinn umfangsmikla gagnaleka sem varpað hefur ljósi á áður hulin heim aflandsfélaga og skattaskjóla. 

Fréttirnar hefjast klukkan 18.30 og má sjá hér í spilaranum fyrir ofan.