Vatnsflaskan meira en tvöfalt dýrari hér en á Tælandi

Hálfs lítra flaska af íslensku vatni frá Iceland Spring er 118 prósentum dýrari í búð hér á landi en á matsölustað á Tælandi. Færsla þess efnis gengur um á samskiptamiðlum og hefur vakið mikla athygli.

„Vatn lækkar í verði um miklu meira en helming við að vera flutt yfir hálfan hnöttinn,“ segir Guðmundur Sigurðsson, sem birti myndir af vatnsflöskunum tveimur á Facebook-síðu sinni á dögunum.

Sjá einnig:10-11 og Iceland selja breska klaka

Önnur myndin er  tekin í verslun Select við Vesturlandsveg en þar kostar flaskan 349 krónur. Hin myndin er hins vegar tekin á McDonalds veitingastað á Tælandi en þar kostar flaskan 45 Baht eða um 160 íslenskar krónur.

„Það er auðvitað ekki heil brú í því að hálfur lítri af vatni geti kostað langt yfir 300 krónur á Íslandi. Það þarf eitthvað að gera til að slá niður þessa sjúklegu græðgi sem á eftir að koma okkur á kaldan klaka enn eitt skiptið,“ segir Guðmundur.

Ekki náðist í Ölgerðina við vinnslu fréttarinnar, og hafa því ekki fengist skýringar á verðmuninum.

Við erum hreint alveg yndislega vön og ánægð með að láta okra á okkur alla lífsins leið. Yfirleitt er það á gert á...

Posted by Guðmundur Sigurðsson on 28. mars 2016