Vísa frá kæru vegna Hlíðarenda

Kærum Icelandair, Flugfélags Íslands og Mýflugs vegna breytinga á deiliskipulagi Hlíðarenda hefur verið vísað frá úrskurðarnefnd umhverfis- og auðlindamála.

Flugfélögin þrjú kröfðust þess að deiliskipulagið frá desember 2014 yrði fellt úr gildi og vísuðu til ákvörðunar úrskurðarnefndarinnar um ógildingu deiliskipulags Reykjavíkurflugvallar sem gerði ráð fyrir því að leggja niður NA/SV flugbrautina. Úrskurðarnefndin segir hins vegar að ákvörðun borgaryfirvalda um Hlíðarenda hafi verið tekin fyrir þann úrskurð.

Taki borgin nýja ákvörðun sé hægt að kæra hana en að kærufrestur vegna fyrri ákvörðunar hafi verið liðinn áður en kærurnar bárust.

Þessi grein birtist fyrst í Fréttablaðinu þann 31. mars.