Könnun: Býr barnið þitt við skort?

Ný skýrsla UNICEF á Íslandi um efnislegan skort barna á Íslandi var kynnt á miðvikudag. Niðurstöðurnar eru vægast sagt sláandi en rannsókn sem gerð var hér á landi árið 2014 leiðir í ljós að alls 9,1 prósent barna á Íslandi líða efnislegan skort.

Hefur fjöldinn tvöfaldast frá árinu 2009 en þá var sams konar rannsókn gerð á vegum UNICEF. Þá liðu 4 prósent barna á Íslandi efnislegan skort. Hægt er að skoða niðurstöðurnar nánar á vef UNICEF.

Börn teljast líða skort ef þau skortir tvennt eða fleira af því sem spurt er í um í lífskjararannsókn Evrópusambandsins en svör við spurningum úr þeirri rannsókn eru flokkuð með skortgreiningu UNICEF eftir sjö sviðum: næring, menntun, klæðnaður, upplýsingar, húsnæði, afþreying og félagslíf. Aldursbil greiningar UNICEF nær yfir börn á aldrinum 1 árs til 15 ára. 

Hér fyrir neðan má taka könnun á vegum Vísis um hvort barn þitt búi við skort, en barnið telst búa við skort ef þú svarar þremur af eftirfarandi spurningum neitandi.