Ekki ráðlagt að pína börn í skólann

Síðustu vikur hefur mikil umræða verið á vefmiðlum um að foreldrar eigi ekki að halda börnum heima ef þau eru kvíðin eða illa fyrirkölluð.

Vísað hefur verið til Bretlands þar sem foreldrar eru sektaðir ef börnin mæta ekki skólann af gildri ástæðu.

Vegna þessa hefur Umboðsmaður barna sent frá sér óformlega yfirlýsingu á Facebook-síðu embættisins. Þar kemur fram að lögð sé áhersla á að það sé hlustað á börn og að tekið sé mark á þeim.

Umboðsmaðurs segir að vissulega sé mikilvægt að tryggja mætingu barna og að foreldrar setji heilbrigð mörk en ef barnið treystri sér ekki í skólann eigi að meta hvert tilvik fyrir sig út frá hagsmunum barnsins. Einnig að það þurfi að komast að rót vandans og veita barninu þá aðstoð sem það þarf.

„Því miður skortir verulega upp á aðstoð og þjónustu við börn með andleg vandamál hér á landi og þarf því að beina sjónum að því að bæta kerfið þannig að börnum sé tryggð sú aðstoð sem þau eiga rétt á," segir í orðsendingu Umboðsmanns barna.