Sólveig og Steinar Logi leysa Jón Stefánsson af

Sólveig Anna Aradóttir og Steinar Logi Helgason munu leysa Jón Stefánsson af sem stjórnandi Gradualekórs Langholtskirkju og Kórs Langholtskirkju til vors. Þetta kemur fram á Facebook-síðu kórsins.

Jón lenti í alvarlegu bílslysi í Hrútafirði í nóvember og senda kollegar hans í kórunum bænir og góðar óskir til síns einstaka stjórnanda.

Gleðilegt ár kæru vinir.Kór Langholtskirkju fundaði í gær og átti góða stund saman. Við erum öll ákveðin í að halda...

Posted by Kór Langholtskirkju on Thursday, January 14, 2016

Sólveig, sem mun stjórna Gradualekórnum, hefur lokið BA gráðu úr skapandi tónlistarmiðlun frá Listaháskóla Íslands og kirkjuorganistaprófi frá Tónskóla Þjóðkirkjunnar. Hún er sem stendur í kantorsnámi í Tónskóla Þjóðkirkjunnar.

Steinar Logi hefur lokið Kirkjuorganistaprófi frá Tónskóla Þjóðkirkjunnar og er sem stendur í Kirkjutónlistarnámi í Listaháskóla Íslands.

Í tilkynningunni segir að allur messusöngur verði í föstum skoðum og hinir árlegu vortónleikar verði á sínum stað en þó með breyttu sniði.

Gleðilegt ár kæru vinir og velunnarar!Gradualekórinn býður Sólveigu Önnu Aradóttur hjartanlega velkomna, en hún leysir...

Posted by Gradualekór Langholtskirkju on Monday, January 18, 2016