Ásdísi tókst ekki að bæta Íslandsmetin | Myndir

Ásdís Hjálmsdóttir, Íslandsmeistarinn í spjótkasti, freistaði þess nú rétt áðan að bæta tvö Íslandsmet, í kúluvarpi og kringlukasti.

Anton Brink, ljósmyndari Fréttablaðsins og Vísis, var í Laugardalnum og tók meðfylgjandi myndir.

Metið í kúluvarpi er í eigu Guðbjargar Helgu Gylfadóttur en hún kastaði 16,33 metra árið 1992.

Ásdís kastaði lengst 16,06 metra í síðustu umferð og vantaði 27 sentimetra til að bæta met Guðbjargar Hönnu.

Ásdís reyndi einnig við Íslandsmetið í kringlukasti. Guðrún Ingólfsdóttir á metið en hún kastaði 53,86 metra fyrir 34 árum.

Ásdís kastaði lengst 45,30 metra í fyrsta kasti við erfiðar aðstæður í Laugardalnum og var talsvert frá því að bæta metið.

Ásdís reynir aftur við þessi gömlu met í Kaplakrika á morgun.

Hér að neðan má sjá viðtal sem Arnar Björnsson tók við Ásdísi í Laugardalnum í dag.