Appelgren hetja Löwen

Rhein-Neckar Löwen vann nauman sigur gegn Vardar í Meistaradeildinni í kvöld.

Markvörður Löwen, Mikael Appelgren, lokaði markinu undir lokin og sá til þess að Löwen vann leikinn, 28-27. Staðan í hálfleik var 14-15.

Stefán Rafn Sigurmannsson skoraði eitt mark fyrir Löwen en Alexander Petersson gat ekki leikið með Löwen í kvöld.

Andy Schmid var markahæstur í liði Löwen með 10 mörk. Sergei Gorbok skoraði 7 mörk fyrir Vardar.

Með sigrinum komst Löwen upp að hlið Barcelona og Kielce á toppi B-riðils. Barcelona hefur leikið einum leik minna. Vardar er í fimmta sæti riðilsins.