Lög á yfirvinnubann flugumferðarstjóra standa

Héraðsdómur Reykjavíkur úrskurðaði í morgun að lög sem Alþingi setti á yfirvinnubann flugumferðarstjóra í júní síðastliðnum standist stjórnarskrá.

Félag íslenskra flugumferðarstjóra höfðaði dómsmál gegn íslenska ríkinu þar sem það taldi lög á yfirvinnubann flugumferðarstjóra brjóta gegn stjórnarskrá.

Flugumferðarstjórar felldu nýjan kjarasamning fyrr í mánuðinum og hefur gerðardómur verið kallaður saman samkvæmt lögum Alþingis sem flugumferðarstjórar reyndu að fá hnekkt.

Samkvæmt lögunum á gerðardómur að ákveða kjör stéttarinnar fyrir þann 18. júlí næstkomandi.