Bryndís Hlöðversdóttir íhugar forsetaframboð

Bryndís Hlöðversdóttir ríkissáttarsemjari og fyrrverandi Alþingismaður íhugar nú að gefa kost á sér til embætti Forseta Íslands í komandi kosningum.

„Það er alveg rétt að ég hef fengið áskoranir í þá átt og viðurkenni að þær hafa hreyft mikið við mér. Ég er að hugsa þetta af fullri alvöru,“ sagði Bryndís í samtali við Vísi í morgun

„Þetta hefur ekki haft langan aðdraganda þannig að það var fyrst núna um helgina að ég lofaði fólki að gefa þessu alvöru hugsun.“

Bryndís segir ákvörðunina vera stóra þar sem hún geti komið til með að hafa áhrif á allt hennar líf og hennar nánustu. Þar af leiðandi ætli hún að taka sér nokkra taka daga til þess að skoða málið. „Ég er líka í mjög skemmtilegum og krefjandi verkefnum í mínu starfi í dag, þannig að ég þarf að íhuga það vel hvort ég sé tilbúin að setja það til hliðar. Svo eru auðvitað líka persónuleg mál sem snúa að þessu sem ég þarf að skoða“.

Bryndís er lögfræðingur að mennt og starfaði sem slíkur fyrir ASÍ á árunum 1992 - 1995. Hún sat í stjórn Kvennréttindafélags Íslands á árunum 1992 - 1997 og var formaður þess síðustu tvö ár hennar þar. Bryndís sat á Alþingi Íslendinga fyrir frá 1995 - 2005, fyrst fyrir Alþýðubandalagið og síðar Samfylkinguna. Hún var formaður þingflokks Samfylkingarinnar á árunum 2001 - 2004.



Einnig starfaði hún sem rektor Háskólans á Bifröst í tvö ár. Bryndís hefur starfað sem ríkissáttasemjari í tæpt ár.

Starfsferill Bryndísar

Bryndís er lögfræðingur að mennt og starfaði sem slíkur fyrir ASÍ á árunum 1992 - 1995. Hún sat í stjórn Kvennréttindafélags Íslands á árunum 1992 - 1997 og var formaður þess síðustu tvö ár hennar þar. Bryndís sat á Alþingi Íslendinga fyrir frá 1995 - 2005, fyrst fyrir Alþýðubandalagið og síðar Samfylkinguna. Hún var formaður þingflokks Samfylkingarinnar á árunum 2001 - 2004.



Einnig starfaði hún sem rektor Háskólans á Bifröst í tvö ár. Bryndís hefur starfað sem ríkissáttasemjari í tæpt ár.

Bryndís er í sambandi við Stefán Kalmansson, aðjúnkt hjá Háskólanum við Bifröst.