Hæstiréttur staðfesti í dag þriggja ára fangelsisdóm Héraðsdóms Reykjavíkur yfir tveimur ungum mönnum sem rændu Landsbankann í Borgartúni í desember síðastliðnum. Dómurinn stendur óraskaður en Ríkissaksóknari hafði krafist þess að refsing mannanna yrði þyngd.
Vísir hefur áður fjallað um málsatvik eins og þau eru rakin í dómnum.
Mennirnir tveir eru rétt rúmlega tvítugir. Þeir höfðu á brott með sér alls rúmlega 700 þúsund krónur úr bankanum en gáfu sig fram til lögreglu um miðnætti sama dag og vísuðu á ránsfenginn.
Þriggja ára fangelsisdómur fyrir bankarán staðfestur
Tengdar fréttir
Þriggja ára fangelsi fyrir Landsbankaránið
Ólafur Ingi Gunnarsson og Jóel Maron Hannesson frömdu bankarán í Borgartúni í desember.
Bankastarfsmenn í Borgartúni farið á tvo hópfundi með sérfræðingi í áföllum í kjölfar ránsins
Starfsfólk útibús Landsbankans í Borgartúni fór á tvo hópfundi með sérfræðingi í áföllum í kjölfar bankaráns sem framið var í útibúinu fyrir viku síðan. Þá býðst starfsfólkinu einnig að fá sérstaka tíma í áfallahjálp að sögn Rúnars Pálmasonar, upplýsingafulltrúa bankans.
