Svanhildur spurði Loga spurninganna sem hún fær vanalega í rúminu

Logi Bergmann vissi ekki hvaðan á sig stóð veðrið í 50 ára afmælisþætti sínum sem var í beinni útsendingu á Stöð 2 á föstudagskvöldið.

Í tilefni af afmælinu var ákveðið að hrekkja Loga, sem er sjálfur alræmdur hrekkjalómur, með því að segja honum ekki hvaða gesti hann myndi fá í þáttinn til sín, um hvað ætti að ræða eða hvaða skemmtiatriði myndu brjóta upp þáttinn.

Á einum tímapunkti tók Logi á móti nokkuð sérstökum gesti og brá honum heldur betur þegar Svanhildur Hólm Valsdóttir, eiginkona hans, gekk inn í salinn og settist í gestastólinn.

Svanhildur ákvað að leggja próf fyrir Loga og ættu flestir að þekkja úr þáttunum hans, Bomban á Stöð 2. Logi spreytti sig í Hvað gerist næst og Myndagátunni. Hann stóð sig bara nokkuð vel eins og sjá má hér að ofan.