Frakkar tóku bronsið

Frakkar tryggðu sér bronsverðlaunin á Evrópumóti kvenna í handknattleik þegar liðið bar sigur úr býtum gegn Dönum, 25-22, en mótið fer fram í Svíþjóð.

Staðan í hálfleik var 14-9 og náðu Danir aldrei að komast almennilega í takt við leikinn í dag.

Estelle Nze Minko var atkvæðamest í liði Frakka og skoraði hún fimm mörk. Stine Jorgensen skoraði sex mörk fyrir Dani í leiknum. Norðmenn og Hollendingar leika til úrslita á mótinu í dag og verður Þórir Hergeirsson í eldlínunni með norsku stelpurnar.