Þriggja ára sektaður fyrir að leggja ólöglega

„Athugið, bifreiðastöður eru bannaðar hér við höfnina. Þessi miskunnarlausi mótorhjólamaður var gómaður hér í gær!“

Þetta skrifar lögreglan í Halifax á Twitter-síðu sína og birtir mynd af lögreglumanni sekta ungan dreng, hinn þriggja ára Declan Tramley, á þríhjóli. Þó var um hrekk að ræða en faðir Declans vildi sýna honum fram á það að lögreglan gæti líka verið skemmtileg. Drengurinn tók vel í hrekkinn og stillti sér niðurlútur fyrir framan myndavélarnar.

Myndin hefur gengið sem eldur í sinu um netheima, en hana má sjá hér fyrir neðan.

Remember, no motorcycle parking in the circle by the ferry terminal. This ruthless biker was caught yesterday ! pic.twitter.com/GgzU4j46vy

— Halifax_Police (@HfxRegPolice) July 5, 2015