Birgitta Haukdal eignaðist stúlku

Söngkonan Birgitta Haukdal og eiginmaður hennar Benedikt Einarsson lögmaður eignuðust stúlku á laugardaginn. Litla stúlkan var rúmlega tólf merkur og 49,5 sentimetrar.

„Hún er lítil, nett og fullkomin,“ sögðu þau í skilaboðum til vina og vandamanna. Birgitta og Benedikt, sem gengu í það heilaga árið 2008, eiga fyrir soninn Víking Brynjar sem er sex ára.

Birgitta, sem hefur um árabil verið ein vinsælasta söngkona landsins, hefur setið við skriftir en hún sendi frá sér barnabækur á árinu um stúlkuna Láru.